Popular Bible Verses from Htû̌sò̌htò̌ 77

Share

He gènè̤̌htò̌tǒ̤ Cǒmara tûjû̌pwa̤ ata̤ma̤ nutokhlǒ. He gǔ gènè̤htò̌bǎ nata̤ma̤ cô̌klǐcô̌sè dǒ awǐnu nutokhlǒ. Na ma̤ kwè̌ mî̌titènu he gǔ gènè̤ tě̤mè̤̌ lǒ̤bò. He gǔ gènè̤bò nata̤ma̤ dǒ apô̤pwa̤shû̌sho nutokhlǒ.

Na mî̌ Cǒmara dǒ a ma̤ ta̤cô̌klǐcô̌sè. Na dǔlṳ̌ tû̌ nasîrîshû̌sho dǒ khlilèphû̌ tokhlǒ akla.

Ǒ Cǒmaradû̌, na ma̤ nakòyò tokhlǒ titètè̌ bǎbǎ, awî̤awô̌ lǒ̤bò. Cǒmara dǒ adû̌ sô̌sô̌kû̌ pa Cǒmaranu a ô̌ tôpwa̤ tô̤̌.

He kwi꤮ sǎyṳhtò̌ mî̌ca Cǒmaradû̌ ata̤ma̤jè̌. He kwi꤮ cabahtò̌ nò a dǒ a gǔ ganǎ̤de heta̤kwi. Bǎ he kè̌shǐ tṳ̌bǎ kû̌ ta̤pò̤̌ta̤sha akhanu, he kè̌lǎ Běcǎdû̌. He yò̤̌htò̌ hecǔde, he kwicabahtò̌ na tônǎ̤mǒ̤shě bǎbǎkǎlè agayǎ̤ nô̌ hecǔdetô̤̌. Bǎbǎbǎkǎlè amô̤ tǒ̤꤮ nô̌ hesǎphlǒ tîkî̌꤮ tô̤̌.