Popular Bible Verses from Htû̌sò̌htò̌ 51

Share

Ǒ Cǒmaradû̌, bô̌lò̤ bǎ he sǎphlǒmṳ̂̌plî dǒ hekû. Shû̌nṳ̌ tèplè̌ sô̌ bǎ he sǎphlǒ dǒ aměagle.

Ǐ sô̌ he na ta̤ma̤hǎplǎge ata̤sǎlě̤sǎlò̤. Ma̤jè̌ sô̌ he dǒ he gǔ sǎphlǒshû̌ jûlě̤phǐ sô̌ nalě̤nayô̤̌nu.

Wṳ̂̌hǎhtò̌cû̌ tephekè tǎ̤ he dǒ na lô̤mô̤̌ mǎ̤. Phî̌hǎhtò̌kè tǎ̤ na yôla plò̌shǐ dǒ hekûnu mǎ̤mǎ̤.

Ta̤lṳta̤tòhtò̌ dǒ a tô Cǒmaradû̌ asǎphlǒ numî̌, yò̤lǎ̤plǎdî̌ ǐ ata̤ma̤sǔ nuhǒ. Ǒ Cǒmaradû̌, kòyò dǒ a yò̤lǎ̤plǎdî̌ ǐ ata̤ma̤sǔ kû̌ kòyò dǒ a shò̌lò̤ asǎphlǒ tokhlǒnu, na htè̌shěshu asî tô̤̌.

Ǒ Cǒmaradû̌, pô̤̌ na ô̌ kû̌ ta̤mô̤ dǒ ahǎbòjò tô̤̌nu gwèbǎǐ he. Pô̤̌ na ô̌ kû̌ ta̤sǎyṳgwèbǎǐ shû̌ kòyònu ma̤plîkè mò̌ bǎ he ta̤cû̌tûlû̌khatûlû̌ nutokhlǒ. Cǔbòkè bǎ he ta̤sǔ, ma̤plîma̤phǔkè bǎ he ta̤plě.

Phǐtephe bòkè he ta̤sǔ kû̌ Hǐsû̌lǎ dě he ma̤mṳ̂̌plî pě. Cǔbò mò̌ he, dě he bûsǔlǔkhlo shicòglǒ pě.

He ma̤sǔ na hǒ. Ta̤ dǒ he ma̤hto tokhlǒ numî̌ aphû̌mò̤̌shǐhtô còcè̌ dǒ nayapwǎ. Pô̤̌nudě na hî̌bǎhtò̌ yô̤̌sǎnu atôabǎ. Na yṳ̂̌ he ta̤sǔnu acǒatè̤.