Popular Bible Verses from Htû̌sò̌htò̌ 40

Share

He ô̌pǒ̤ sǎphlǒhtûǐ Cǒmara tûjû̌pwa̤ ata̤ma̤jè̌. A htû̌tiwǐkè̌tô he dě a ganǎ̤de he ta̤kwisǎyṳhtò̌. A cî̌htò̌ he dǒ ta̤sita̤hǎmǎ agûlǎ̤, dǒ pèè̌ phû̌mò̤̌ akla. A cû̌bè̌htò̌ he dǒ lǒ̤dû̌ lǎ̤hǎplǎ gûlǎ̤ alô̤, dě amô̤̌kè he sǎphlǒ.

A ǐhto he lî̤hǎwô dǒ asa, ta̤sǎwǐ dǒ lǎ̤sǎwǐ htû̌sò̌htò̌ kû̌ pa Cǒmaradû̌. Kòyò dû̌wî̤ gǔ ganǎ̤de lî̤hǎwô pě dě a gǔ ǐsha bè̌dubè̌nǎ̤ bò Cǒmara tûjû̌pwa̤. Asî yṳ̌ǎnṳ̌ Cǒmaradû̌ pě.

Kòyò dǒ a sǎmǒhtò̌ǐ Cǒmara tûjû̌pwa̤ nutokhlǒ, kû̌ kòyò dǒ a kè̌shuǐ ta̤ma̤jè̌ dǒ pwa̤phǐdû̌phǐhtò̌yô̤̌ anǎ̤ nutokhlǒ a ô̌ tô̤̌, mè̤̌tô̤̌mî̌ kòyò dǒ a yṳ̌ǎ gû̌ kòyò Cǒmara dǒ asǔ nutokhlǒ tô̤̌ nutokhlǒ mî̌, kòyò dǒ a nǐ̤bǎ ta̤ǐshôwî̤.

He sǎyṳ ma̤ pwǎ tǒ̤ na ta̤sǎyṳ, na ta̤sû̌ta̤tòwò ô̌ lǒ̤bò dǒ he sǎphlǒkû hǒ.”

Ǒ꤮ Cǒmara tûjû̌pwa̤, phî̌wô̌ tîkhî tǎ̤ na ta̤gwèbǎǐ nǐ̤ henu mǎ̤. Pṳ̂̌plǎplǎ no takabǐnǐ̤ he kû̌ na ta̤mô̤ dǒ ahǎbòjò tô̤̌ kû̌ na ta̤tě̤ta̤mè̤̌.