Popular Bible Verses from Htû̌sò̌htò̌ 37

Share

Sǎlě̤sǎlò̤ dǒ Cǒmara tûjû̌pwa̤ akû. A ǐ tûû̌ na sǎphlǒ ata̤sǎlě̤sǎlò̤ pě.

Ǐlò̤ bò na ta̤ô̌htûpwa̤ dǒ Cǒmara tûjû̌pwa̤ acǔdekû. Nǎla̤ǐ a dě a ma̤jè̌ tûû̌ na pě.

Sǔtukǔkǔ ô̌ pû dǒ Cǒmara tûjû̌pwa̤ alô̤mô̤̌, ô̌pǒ̤ sǎphlǒhtû dǒ a gǔ ma̤ bǎ na. Bǎ kòyòphû̌mò̤̌ dû̌yò̤̌htò̌sa kû̌ asîklè̌asîklò akhanu bǎbǎ, bǎ asî ta̤yè̤lò̤nǎ glè̌ ma̤phû̌mò̤̌ û̌ kòyò htûhtò̌bò akhanu bǎbǎ, sǎphlǒdû̌ sǎphlǒpî̌ tǎ̤mǎ̤mǎ̤.

Yṳ̌ǎnṳ̌ Cǒmara tûjû̌pwa̤, ma̤ lô̌khô ta̤wô̌. Nṳ̌ô̌ bǎ gǎ dǒ a ǐ na dě ô̌ kû̌ ta̤sǎphlǒ gûjû̌kabǎ nî̌.

Cǒmara tûjû̌pwa̤ nè̌klè̌nè̌klò kòyò dǒ a mô̤nǐ̤ lû̌û nutôpwa̤ khǎlǎ lǎ̤kha. A sǎphlǒtô lû̌û klè̌. Cǒmara tûjû̌pwa̤ pṳ̂̌měǐ a kû̌ acǔde akhû̌akhî, a htò̌tukhu bǎbǎkǎlè a lò̤khǔpo̤ tô̤̌.

A glè̌ no lîhtò̌ na ta̤cǒta̤tè̤nu pô̤̌ lṳ̌mṳ̌lîbû. A gǔ no kakhahtò̌ na ta̤ma̤tôma̤bǎnu pô̤̌ lṳmṳ̌sha.

Dǐô̌kǔkè na ta̤sǎphlǒdû̌, cû̌tephekè kû̌ ta̤sǎphlǒdû̌. A no ma̤ còcè̌ pwǎ na ta̤phû̌mò̤̌shǐhtô akhû̌akhî, sǎphlǒdû̌ sǎphlǒpî̌ pe tǎ̤mǎ̤.

Dǒ he phijǎkha tǒ̤htû̌ he mǒ̤pwǎ̤ khònò̤̌, kòyò sǎphlǒwô̌ tokhlǒ bǎbǎ, aphû̌ali̤ tokhlǒ bǎbǎ, Cǒmara tûjû̌pwa̤ wîkè asî dě a cû̌kwiǎ kòshǎnu, he kè̌shǐ nô̌ tôkhò̌ tô̤̌.

Dǒ kòyòkhu phû̌mò̤̌ akhû̌akhî, sǎphlǒdû̌ sǎphlǒpî̌ tǎ̤mǎ̤. Dǒ kòyò ma̤ ta̤sǔta̤plě akhû̌akhî, sǎkhwè̌ khû̌khwè kòyò tǎ̤mǎ̤.