Popular Bible Verses from Htû̌sò̌htò̌ 34

Share

Cǒmara tûjû̌pwa̤ ô̌phǔ kû̌ kòyò dǒ a sǎphlǒpî̌. A ma̤hǎplǎge kòyò dǒ ata̤kè̌shǔǐ ô̌ pe tô̤̌.

He kwihtò̌ Cǒmara tûjû̌pwa̤ ata̤ma̤jè̌ dě a hî̌shǔ he. A ma̤hǎplǎge he dǒ ta̤sǎgònò̤̌ ǐsha lǒ̤꤮ bò akû.

Kòyò sǎphlǒwô̌ tôpwa̤ kè̌shǐ tṳ̌bǎ dû̌wî̤ ta̤pò̤̌ta̤sha bǎbǎkǎlè Cǒmara tûjû̌pwa̤ ma̤hǎplǎge a dǒ ta̤ nutokhlǒ lǒ̤bò akû.

Cǒmara tûjû̌pwa̤ wô̌ pwǐ꤮ tènu kè̌lǎsî̌ya dě sî̌yaphlô lô̌khô. Kòyò dǒ a ô̌tûdû nǎla̤ǐ lû̌ tokhlǒnu, anǐ̤bǎ ta̤ǐshowî̤.

Kòyò kè̌shu nǎla̤ǐ dǒ a ô̌ tokhlǒ sǎlě̤ pě. Asî glè̌ shòwò̤̌ dě mǐ̤sǎpî̌tî̌ tôkhò̌꤮ tô̤̌.

Bǎ kòyòcǒkòyòtè̤ kwihtò̌ ta̤ma̤jè̌ akhanu, Cǒmara tûjû̌pwa̤ ganǎ̤de ata̤kwi. A ma̤hǎplǎkè asî dǒ asî ta̤pò̤̌ta̤sha lǒ̤bò akû.

Kòyò dǒ a ǐsha bè̌dubè̌nǎ̤ Cǒmara tûjû̌pwa̤nu, Cǒmara atanaphû̌ ô̌pǒ̤te̤we̤, ma̤hǎplǎge asî.

Cû̌tephekè kû̌ ta̤phû̌mò̤̌shǐhtô, ma̤ ta̤ dǒ awô̌. Jî̌pwǐ̤ kè̌shuǐ ta̤gûjû̌kabǎ dě pṳ̂̌měǐ yǎ.

Kè̌ hî̌ pô̤̌numî̌, sè̌rè̌ǐ naplî̤ dǒ a gǔ hî̌bǎ ta̤phû̌mò̤̌shǐhtô tô̤̌. Kǎtô̤̌ sè̌rè̌ ǐpô̤̌ nukhû̌phě dǒ a glè̌ hî̌bǎ ta̤lòhǎlòhò tô̤̌.

Cǒmara tûjû̌pwa̤ kè̌pǒ̤ǐ kòyò sǎphlǒwô̌. A ganǎ̤de asî ta̤kwihtò̌ ta̤ma̤jè̌.

Shôbǐǐlṳ̌ wô̤̌wô̤̌ lû̌ Cǒmara tûjû̌pwa̤ asîrîdû̌sîrîhtû tǎ꤮. Pa htû̌sò̌htò̌ wô̤̌wô̤̌ lû̌ ami̤ tǎ꤮.