Popular Bible Verses from Htû̌sò̌htò̌ 119

Share

Nalě̤nayô̤̌ mî̌ asô̌sô̌kû̌ mî̌ko tômè dǒ a shělî cû̌ bǎ helǎ̤kha. Asô̌sô̌kû̌ ta̤lî tôcǒ dǒ a gǔ ma̤lî bǎ heklè̌.

Pô̤̌khô he ma̤sǔma̤plě na tô̤̌ ayanu, he dô̌bǎtûklû̌, he bè̌nṳ̌ nalě̤nayô̤̌ dǒ hesǎphlǒkû hǒ.

Pwa̤nějǎphû̌nu, a glè̌ ô̌htûpwa̤ mṳ̂̌plîjò hětè? A bǎ ganǎ̤de bò nalě̤nayô̤̌.

Kòyò dǒ a gû̌ma̤ pô̤̌ Cǒmara ta̤sû̌ǐta̤tòwòǐ, a kè̌lǎ lû̌û kû̌ sǎphlǒ tômèbò tokhlǒnu a nǐ̤bǎ ta̤ǐshôwî̤.

Na mî̌ he lǎ̤ô̌tûdû agûlǎ̤, he lǎ̤taka. He kè̌shu pwǎ tǒ̤ nalě̤nayô̤̌ nô̤̌.

Dǐsî̌yaphlôphǎ wô̌ he dě he ganǎ̤de na ta̤sû̌ta̤tòwò. He jûǎ kû̌ he sǎphlǒ tômèbò.

Na ta̤hî̌bǎnu, no mô̤ǐ khlo he kû̌ he sǎyṳsǎbǎ ruhtanu.

Pô̤̌khô he phî̌nṳ̌ ta̤sû̌ǐ dǒ na ta̤hî̌bǎlò̤ akû nu, na shò̌lò̤ hesǎphlǒ nî̌ awô̌ dǒ heya pwǎ.

Cǒmara ata̤olò̤ ǐ he ta̤ô̌htûpwa̤ tě̤tě̤mè̤̌mè̤̌ akhû̌akhî, bǎ he kè̌shǐbǎ kû̌ ta̤pò̤̌ta̤sha akhanu, a ma̤mô̤ma̤wô̌ǐ he sǎphlǒ.

He kè̌lû̌htò̌ǐ ta̤sǎlě̤sǎlò̤ dǒ na ta̤mǎlò̤ akûnu akhû̌akhî, nè̌klè̌nè̌klò he.

Ǒ Cǒmara tûjû̌pwa̤, sû̌ǐ he kû̌ na ta̤hî̌bǎlò̤ aklè̌aklò. Dě he gû̌ ma̤ gutṳ̌tṳ̌ pě.

He sǎplǎ̤ mî̌ca dě alò̤dô̌lò̤de jî̌ he. Ǐshû̌ ǐshò̌htò̌ sô̌mò̌ he pô̤̌ nata̤mǎlò̤ hî̌nu.

He mô̤nǐ jî̌jî̌ na ta̤sû̌ta̤tòwò tokhlǒ. He gènè̤tě̤mè̤̌ǐ lû̌û tônǐ̤mṳ̌hǎ