Popular Bible Verses from Htû̌sò̌htò̌ 103

Share

He htû̌sò̌htò̌ Cǒmara tûjû̌pwa̤ kû̌ hesǎphlǒtômèbò. Lǒ̤꤮ bò ta̤wô̌ dǒ a ma̤ htobǎ he tokhlǒnu, he shôpe̤ pè̤̌ tô̤̌.

A plûkèbò heta̤sǔta̤phû̌mò̤̌ lǒ̤꤮ bò. A ma̤hǎmǎ kèbò heta̤shǐsha pṳ̂̌꤮ tôcǒ. A ma̤hǎplǎge he dǒ ta̤si akû. A ta̤mô̤ dǒ ahǎbòjò tô̤̌ kû̌ ata̤gwèbǎǐ glû̌bǐ hǒ heikǒ sô̌sô̌kû̌ khû̌glǒ nuhǒ. A bè̌mô̤ hesǎphlǒ kû̌ ta̤twèta̤wô̌. He phû̌sǎ shû̌shokhò̌sho sô̌ge kû̌ lě̤bǎdû̌.

He htû̌sò̌htò̌ Cǒmara tûjû̌pwa̤. He htû̌sò̌htò̌ ami̤ aplò̌shǐnu kû̌ hesǎphlǒtômèbò.

Pô̤̌ pha gwèbǎǐ aphû̌ tokhlǒnu, Cǒmara tûjû̌pwa̤ gwèbǎǐ pwa̤ dǒ a ǐsha dě bè̌dubè̌nǎ̤ lû̌ nutokhlǒ.

Cǒmara wî tepheyî̤kè bòkè pata̤sǔ tokhlǒ asô̌sô̌kû̌ lṳmṳ̌htò̌ kû̌ lṳmṳ̌lò̤ ô̌tepheyî kè̌khî lû̌ûnu.

Cǒmara tûjû̌pwa̤ mî̌ a gwèbǎǐ kòyò, a ma̤bwǐma̤sîrî kòyò. A sǎphlǒhtû, a lǒbe kû̌ ta̤mô̤ dǒ ahǎbòjò tô̤̌.

Pô̤̌ ta̤sǔta̤plě ô̌ dě pa tô khòbǎ ǐbò̌nu, a no khòbǎ pa tô̤̌. Pô̤̌ pa ma̤sǔ ta̤nu, pa tô khòbǎ bǎbǎkǎlè a ma̤ geshî̌shǔ pa tô̤̌. Pô̤̌ mǒkhû̌ ô̌htò̌yî̤khlo kû̌ hǎkhû̌nu, Cǒmara ata̤mô̤ dǒ ahǎbòjò tô̤̌nu, adû̌ahtûlǒ mî̌ca dǒ kòyò ǐsha bè̌dubè̌nǎ̤ lû̌ nutokhlǒ aya.

Cǒmara tûjû̌pwa̤ bè̌ô̌nǎ agògǒhtò̌yô̤̌lǒ dǒ mǒkhû̌. A htû khwǐ bǎnu dě a pǒǐ lǒ̤bò ta̤ pṳ̂̌꤮ tôcǒ.