Popular Bible Verses from Matè̌ 10

Share

“He nocû̌ sî sô̌sô̌kû̌ he plûcû̌ sû̌phû̌ dǒ shǐmi̤ aklanu. Ma̤pô̤̌nudě lîmò lô̌khô pô̤̌ wṳ̂̌ tokhlǒnu, dě sǎphlǒ mṳ̂̌plî lô̌khô pô̤̌ htû̌lǐ̤nu nî̌꤮.

Kòyò tôpwa̤pwa̤ dǒ a sǎleǐ tûû̌ a ta̤htûpwa̤nu, a yôla gǔ lò̤jû̌kè pě. Kòyò dǒ a tṳ̌sikhòsi ata̤htûpwa̤ dǒ he yanu, a kè̌shǐ yôla htûpwa̤ tûjû̌pwa̤ pě.

Kòyò dǒ a ma̤si jò sî nǎ̤glǒ bǎbǎkǎlè a ma̤si jò sî yôla tô̤̌ tokhlǒnu, ǐsha tǎ̤ alǎ̤ tǎ̤mǎ̤. Ǐsha lô̌khô Cǒmara dǒ a ma̤si jò sî nǎ̤glǒ kû̌ sî yôla ginǐ̤cǒbònu dǒ larakû nutôpwa̤ nî̌꤮.

Kòyò tôpwa̤pwa̤ dǒ a yò̌ tûû̌ a nò̌dò̌htǔ tô̤̌tô̤̌, a gû̌ kû̌ hekò tô̤̌tô̤̌ tokhlǒnu, a gwǎ kû̌ he tô̤̌.

“Mò̌pèpè̌꤮ bǎbǎ a kè̌ olò̤ kû̌ a yṳ̌ǎ he dǒ kòyò saprû a lô̤mô̤̌ hî̌nu, he olò̤ a pô̤̌nu dǒ Cǒmara a mǒkhû̌ tanaphû̌ tokhlǒ a lô̤mô̤̌ pě. Bǎbǎkǎlè mò̌pèpè̌ bǎbǎ a kè̌ sumṳ̌ he kû̌ a yṳ̌ǎ he tô̤̌ dǒ kòyò saprṳ̂ a lô̤mô̤̌ pě tôpwa̤pwa̤ hî̌nu, dǒ mǒkhû̌ hepha a lô̤mô̤̌ pěnu, a mî̌ he kòyò mè̤̌tô̤̌ he hî̌tè̌ pô̤̌nu pě.

Ma̤hǎmǎ kòyò dǒ ashǐasha tokhlǒ, ma̤htûpwa̤ getîkhî kòyò dǒ a si tokhlǒ, ma̤hǎmǎge kòyò ta̤shakrôǎ dǒ bělô̤ tokhlǒ, wṳ̂̌hǎhtò̌kè lô̌khô khînǎkhîno, sî nǐ̤bǎ kwe ta̤lǒ̤꤮ bò nutokhlǒ akhû̌akhî, kwi tǎ̤ kòyò akhû̌akǎ tǎ̤mǎ̤ nî̌, ma̤kwe bǎpwǎ kòyò nî̌꤮.

Pô̤̌nudě ǐsha tǎ̤mǎ̤! Sî lě̤dû̌pwî̤htû khlo kû̌ htû̌pwǎ̤phû̌nu tôprṳ̂tôphǎ.

“Gènè̤ tǎ̤ lô̌khô kû̌ he phî̌hè ta̤pè̤̌ta̤dû dǒ hǎkhû̌nu tǎ̤mǎ̤. He phî̌hè ta̤pè̤̌ta̤dû mè̤̌tô̤̌. He phî̌hè nò̌she tôbǎ.