Popular Bible Verses from Mǒhtûlû̌hǎhtûsa 39

Share

Cǒmara tûjû̌pwa̤ ô̌cu kû̌ Khûyṳ̂tǎ akhû̌akhî, a ma̤ titètè̌ mî̌ adû̌htò̌htûhtò̌ dě a ô̌cu bǎ aběcǎ Ijî̌ khlilèphû̌ nutôpwa̤ ahǐ.

Pô̤̌nudě a no kè̌ǐbò atě̤ta̤ kû̌ Khûyṳ̂tǎ pṳ̂̌tocǒ, a lǎ̤lṳ̂ kè̌tîkhî pe tôcǒ tô̤̌, a sî̌ganǎ̤ pwǎtǒ̤ a lǎ̤ǎlǎ̤ô tôcǒ nô̤̌ pwǎ. Khûyṳ̂tǎ mî̌ aphawî̤phatwè̤̌ mè̤mè̤̌.

Pô̤̌nukhû̌khî, pwa̤ô̌pǒ̤ apô̤ ikǒdû̌ nutôpwa̤ nopǒbò Khûyṳ̂tǎ kû̌ kòyò ô̌ bǎ apô̤kû nutokhlǒ. Bǎ apô̤kûnu a htûhtò̌ titètè̌ bǎbǎ a nopǒǐkè̌ǐbò kû̌ lû̌û dě a htokè bò kû̌ Khûyṳ̂tǎ pwǎ.

Dě a pṳ̂̌ Khûyṳ̂tǎ dě a dǒlò̤tě̤kè lû̌û dǒ apô̤kû bǎ kòyò lǎ̤dǒlò̤tě̤ kû̌ kòyò dǒ a ma̤sǔ khwǐ nutôkû. Dě Khûyṳ̂tǎ bǎ genṳ̌ ô̌ dǒ apô̤ kû. Bǎbǎkǎlè Cǒmara tûjû̌pwa̤ ô̌cu kû̌ lû̌û dě a mô̤ǐ lû̌û kû̌ ta̤mô̤ dǒ ahǎbòjò tô̤̌, dě pwa̤ô̌pǒ̤ apô̤ ikǒdû̌ nutôpwa̤ kè̌dû̌ǐ tû̌ lû̌û.

Bǎ anô̌nu aběcǎ ama kè̌ lû̌ dě sǎyṳ lû̌û dě a hî̌ lû̌kû̌, “Nṳ̌hǎmôô̌ kû̌ he.” Bǎbǎkǎlè Khûyṳ̂tǎ htè̌shěshukè lû̌û dě a hî̌ lû̌kû̌, “Gènè̤kè̌ mò̌, tě̤ta̤ lǒ̤bò dǒ hǐdǒkû mî̌, heběcǎ lǎ̤lṳ̂ kè̌tîkhî pe kû̌ anǎ̤ tôcǒ tô̤̌, a no pǒǐbò he kû̌ atě̤ta̤ lǒ̤bò hǒ. Bǎ hǐdǒkû nî̌ kòyò dǒ adû̌ khlo kû̌ henu a ô̌pe tôpwǎ̤ tô̤̌. Heběcǎ ǐlò̤bò dǒ hecǔdekû pṳ̂̌tocǒ. Na htû lû̌ma akhû̌akhî, a ǐ he tô̤̌ mî̌ tǒ̤ pwǎ na nô̤̌. He glè̌ cû̌ ma̤tǒ̤ ta̤sǔ phû̌mò̌dû̌ nutôcǒ dǒ a ma̤ takǎ shěshu Cǒmaradû̌nu hětè?”

Tôni̤kha, bǎ Khûyṳ̂tǎ cû̌nṳ̌ma̤ ata̤ma̤ dǒ hǐdǒkû akhanu, bǎ hǐdǒkûnu pwa̤ma̤ta̤ma̤phû̌ ô̌ tôpwǎ̤ tô̤̌. Tôplǎdě ikǒdû̌ Pò̌tǐpha ama cǐmě lû̌jejûhtû dě a hî̌ lû̌û kû̌, “Cû̌ hǎmôô̌ plǒ kû̌ he nî̌,” a cǐmě shotuklǔ Khûyṳ̂tǎ je dě Khûyṳ̂tǎ khlè̌hǎhtò̌ dǒ hǐdòkû̌ dě ajejûhtû ô̌kè dǒ lû̌cǔdekû.