Popular Bible Verses from มัทธิว 18

Share

หม่าเมเตเฮ๊เนอ, แกแย ซิเนอ แพ๊ เบ่เบ่, ซิโซ แพ๊ เบ่เบ่, เหย่ซี เก่ โอ่เต่อโอ่ปล๊อ ลู เด๊อ แวมุย คยา เก่เฮ๊เรอ, แว เก่ โอ่เต่อ เกอตื่อ เร๊อ เหย่ซี ปา.”

“แว เฮ๊ โป่ ซี, เด๊อ เห่ขุ เออเนอ, แกแย ซิเนอ เก่ ซิปล่อ แซ่ลู เฮ๊เรอ, กุยจ๊อเบ เต อิเตเต๋ เบ่เบ่เนอ, แวเพ โอ่ เด๊อ ม๊อขุ เออเตเพร เก่ เด๊อะเป่ ล๊อปลี เหย่ซี กุย เนอเต๊เห่ ปา.

แบ่เจ่ เหย่ซู่ เอ๊ เป๊เจ่ฮู๊ เตเพร เร๊อ อา นอแฮ ก๊อถ่อโอ่ ลู เด๊อ เหย่ซีเกล. เร๊อ อา เฮ๊ เหย่ซี เน๊อ, “แว เฮ๊จ๊อจ๊อ ซี๋, ซี เก่ ถู่แหล่ เต๊เปล่ ซี ซิปล่อ โต่, ซี เก่ ทวาแถ่ แซ่เน๊อ เป๊เจ่ฮู๊ เออเต๊เห่ โต่, ซี โนหนิ แจ่ เด๊อ ม๊อขุ เทอเลเก่กู แตแค๋ โต่.

เมฮู๊เนอเรอ, แกแย เด๊อ อา แด่หยว่า อาซิปล่อ ฮู๊ เป๊เจ่พู๊ เออเตเพรเนอ, อาดุเล๊ออู เด๊อ ม๊อขุ เทอเลเก่กู เฮ๊อ.

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่ฮู๊ แซ่ เร๊อ เออเตเพร เตเพรเพรเนอ, อา เอ๊โมฉื่อ เกอ เฮ๊อ แว เฮ๊อ.”

“แว เฮ๊จ๊อจ๊อ ซี, เด๊อ เห่ขุเออ ซี ปื่อหม่า อิเตเต๋ เบ่เบ่, เด๊อ ม๊อขุ เนอ, จอแปแหร่ เก่ ปื่อหม่า เกอดื่อ ฮู๊เนอ ปา. เด๊อ เห่ขุ เออเนอ, ซี ฉิย๊า ปลวาแก อิเตเต๋ เบ่เบ่, จอแปแหร่ เก่ ฉิย๊า ปลวาแก เกอดื่อ เด๊อ ม๊อขุ ฮู๊เนอ ปา.

เร๊อแบ่เจ่ เหย่ซู่ เฮ๊ ตื๊อดื่อแกเนอ, “ซี เก่ ปลวาแก ลอซิปล่อสู่เทอ แหน่แหน่ ซี โป่แหว่ โต่ เฮ๊เนอหม่า, เพ จอแปแหร่ เด๊อ ม๊อขุ เตเพร เก่ เม เกอ ซี แซ่ฮู๊เนอ ปา.”

“แกแย เตเพรเพร เก่ นอเมซื๊อ เพรปีตี๊เล๊อ เด๊อ อา หยื่อเอ่ แว เออเต๊เห่ อาเกล เตเพรเพร เฮ๊เนอ, จอ หล่อดุ เด๊อ อาแก่โบลูเนอ เร๊อ ต่าตา แลจื๊อแก อา เด๊อ เทอดุซาวากู เนอหม่า, อาแร๊เล๊อ ปาเจ๊อ เด๊อลูเงเจ๊อ.

“ซี เตเน แม๊แม๊, แกแย เตเพร เก่ อาซิหมิ โอ่ อาโด เตเย, เร๊อ อา เก่ จว๊าเป โอ่เหม่แก โตโด เก่เฮ๊เรอ อา เก่ แด่แก อาโด ลุยซว๊าเตอเชอ เร๊อ ลุยซว๊า โตโด เออเนอ เด๊อ โฉ่ขุ เร๊อ อา เถ่จว๊า แม๊ปู ซิหมิ เด๊ออา จว๊าเป โอ่เหม่แก เออโตโด หม่าโต่ แอ?