Popular Bible Verses from มัทธิว 13

Share

เตกลุย เด๊อ อา ลูตา เด๊อ เห่หย่าเห่แร๊ขุ เต๊เห่ เนอหม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา ซิเงโปล เนอเต๊เห่ เฮ๊อ. แกแย เออเต๊เห่เนอ อาเส่ โอ่เอ๊แถ่ โต่ เจ๊อ เด๊อ อาโพ๊ เตเย, อาโพ๊ เชอโซซว๊า, อาโพ๊ โซเชอ.”

เตกลุย เด๊อ อา ลูตา เด๊อ ส่อแช๊ส่อกิเกล เนอเต๊เห่ หม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ ตื๊อดื่อเรอ อา ย๋อ เบ่กู่เบ่แก เกอเร๊อ เน๊อ อา เตโอ่เซอเพร, โทเรอ อา ย๋อ ซิหยื่อ ดุแหย่แถ่เซ แลแค อาขว่าอาคยา, ล๋อ เตเออเต๊เห่เนอ อา แค๊ปลื่อแถ่บี๊แก ลอเฮ๊อ ลู เร๊อ อาเส่อาโพ เถ่เบ๊ ปาโต่เฮ๊อ.

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

เตกลุย เด๊อ อา ลูตาโต เด๊อ หล่อเกล เออเต๊เห่ เนอหม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ เร๊อ โตโพ๊โต อา ซิครือซิลอ พย๊าฉื่อ เนอเต๊เห่ เฮ๊อ. หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.

“ม๊อขุ อา เทอเลเก่กู หม่า อาแซ่เน๊อ อู จว๊าแด่ โอ๊ เตงูดุงูชอ เด๊อ เพร๊ เต๊เหล่ อาเลเนอ เฮ๊อ, เบ๊อะแกแย เตเพร จว๊าแม๊เถอะ อาเตเออ เบ๊อะเนอ, อา ปลือบี๊ กาคยา ลู เร๊อ อา โมแหน่เจ๊อลู เร๊อ อา กา เด๊อ อาหี่. อา อิเชแก ลอ อา ตาหมื่อตาเต ล๋อปลี เร๊อ อา พย๊ารือ จว๊าพรี เพร๊เนอ เต๊เหล่.

หม่าแน๊เร๊อ เต๊เห่เห่เนอ อา ลูตาโต เด๊อ เห่หย่ารีแร๊ขุ เร๊อ อา แด๊แถ่ เร๊อ อาเส่อาโพเถ่ โอ่เอ๊แถ่ อาโพ๊ เตเย, อาโพ๊ เชอโซซว๊า, อาโพ๊ โซเชอ.

นอดุแถ่ โหร่ดื่อ ลู เบ๊อะเนอ เฮ๊อ, เร๊อ ช๋าโต เก๊เฮ๊อ ปา เร๊อ แว นอ เก๊แก เหร่อ อู โร๊ยเหมาะ เนอเต๊เห่ ปา เร๊อ กยากลอแก อา เร๊อ ชื๊อแก อา เร๊อ หมิ ปา. โบ๊กู่ลา เนอ เก่เก๊เก่ปอ อา ปา เร๊อ แด่ปล๊อ อา เด๊อ แจกู ปา.’”