Popular Bible Verses from Roma 5

Share

Ma tha God ana kai ṉata ifana liothau la nia uri kulu, uria si kula eri, si kada na kulu abubula taa u mena, tha Christ e mae uri kulu.

Ma manatatoo ṉado la eri e ai si faaseenoni kulu; uria na kera kikira liothau la tha God i la ruruukulua atha Spirit Abu na kera falea ifakulua.

Ma ana talitoona bana si do eri e ai, kulu seethathala ana taa la eki lau boo na kulu to ania: uria na kulu thaitoomana to la ana taa la kai ṉalia mai si lio ni susuu la; Ma si lio ni susuu la kai ṉalia mai si lio ana thaitoomana lana si do ne ilitoodaki sui naa; ma si lio eri kai ṉalia mai manatatoo ṉado la uria si do ne lea

Mania uria na kera ala fafia kokoto la kulu uria fitooa, kulu kwaimani bia tha God ana Lord kulu tha Jesus Christ; Wane na kulu idu karaṉi lau bomai ani nia uria fitooa ana lea la eri na kulu takwe ania si maṉa eri; ma kulu seethathala ana manatatoo ṉado la uria inotoa tha God.

Sulaania si maṉa na sukwaia e ai u faisi kulu, tha Christ e mae asi maṉa nia uria toa na kera fare faekwa atha God.

Sui si maṉa eri na kera ala fafia kokoto la kulu uria abuna, e kwaiakaori ka tatha na keki faamaruki kulu faisia rakeiria eri ani nia.

Sulaania talafana ana ade lana tee nonii wane ne ade faisia si ṉata kera ilia na toa oro eki kera toa ana abula taa la, alafana lau boo ana ade lana tee nonii wane ne ade sulia si ṉata keki ilia na toa oro eki keki kokoto.

Ma talitoona bana si do eri e ai, kulu faabaita kulu lau boo atha God ana Lord kulu tha Jesus Christ, Wane na kulu ṉalia kwaimani la eri na kulu kwaimani lau ania ani nia.