Popular Bible Verses from Si do Aposela ki kera ilidaki 16

Share

Ma keko sorea, Oki fitoona tha Lord Jesus Christ, ma keki faamaruki oe, oe bia toa i maafera oe.

Ma sui fuliṉana initoona rodo tha Polo ma tha Saelasi keko foa ma keko ṉulia fa ṉu ki isatha God, ma wane na kera suusidaki bi keroa keki roṉoa; Ma tee anunu baita ka fula fatonada, adedea gwa fau totonao ana lokafu eri ki ka igiigi: ma si maṉa eri u boo maana olofolo ki sui bana ka ifi; ma nailii thalo ana toa eki sui boo ka luke.

Ka tole keroa kau, ma ka sorea, Ro wane ae, si ta na kwai ilia e ai si ei boo fasi keka faamaruki nau?

Ma wane eri ni suusi lada ka tharai faisia biṉa la, ka rikia maana olofolo eki ana lokafu e ifi, sui ka lafua nini ni firu nia, sa kai tala thauṉi nia i talaana, uria na manatana sa wane eki na kera fono faisida kera thaka teefau. Ma tha Polo ka ’ai faamau, ka una eri, Osi fare taa ani oe i talaamu: sulaania kamilia sui mika to bamilia.