Popular Bible Verses from Rò̌mǎphû̌ 13

Share

Gû kè̌mò̌mṳ Ye̤shǔkhrî̌stu a ta̤ǒhtûpwa̤ htǒonu nî̌꤮. Pwǐ sî kûsǒhtò̌ hǐdopo̤to̤nu, kûsǒhtò̌ tèplè̌lè̌ Běcǎ Ye̤shǔkhrî̌stu dě gènè̤pe pû lǒkho ta̤lṳ̂ ma̤mo̤ sǐshi a ta̤sò̌yṳ aklè̌aklò toǒ ma̤ nî̌꤮.

Plělîbò sîmi̤sîshû̌ nî̌꤮, noǒkè pûyǎ dǐcǎ꤮ ma̤ nî̌꤮. Noǒkè pwǎpǒ̤ mi̤shû̌ htě sî lo̤bǎ mo̤ǐ nû̌û tapwa̤ ta tapwa̤nu pwǎ nî̌꤮. Ma̤tè̤hî̌dě kòyò htě a mo̤ǐ kònu, a ma̤lǒbe ta̤sû̌ta̤tòwò hǒ.

Kò pṳ̂̌꤮ tapwa̤ tobǎ jûle̤phî̌yo̤ gana̤de Khwǐcophǎ htě a pǒǐshiga toǒ ayo̤, ma̤tè̤hî̌dě Cǒmara dè nopǒǐ asî tò̤ hî̌nu, asî htò̌htûbò̌ Khwǐ tò̤. Kòyò htě a pǒshipǒga khònò̤htǒo toǒ numî̌ Cǒmara bè̌htò̌bòpwǎ asî.

Lṳmṳkhǐ glè cû̌tûlû̌kè hǒ, lṳmṳ glè lîbû hǒ. Hǐnudě pa bè̌lò̤te̤kèbò ta̤ma̤phû̌mò̤ htě pa ma̤ yǎ dě ta̤khǐkla htǒotoǒ hò̌꤮. Dě pa kûsǒhtò̌ ta̤lî ahǐdo te̤htò̌ htǒotoǒ hò̌꤮.

Sî dè mo̤ǐ kònu sî ma̤sǔpe kò tò̤ hǒ. Hǐnudě kòyò htě a mo̤ǐ kònu, a gû ma̤lǒbebò ta̤sû̌ta̤tòwò hǒ.

Hǐnudě, sî lo̤bǎ ǐ kò toǒnu, ǐ lǒkho, sî dè lo̤bǎ ǐ sana̤ tû̌ ta̤kûta̤cî̌ dèhî̌dě ǐ lǒkho nî̌꤮. Sî dè lo̤bǎǐ ta̤kûta̤cî̌ ahǔwa̤ toǒ hî̌dě tûrû̌ ǐ lǒkho nî̌꤮. Sî to bè̌dubè̌na̤ kò toǒnu bè̌dubè̌na̤ lǒkho kò nî̌꤮. Sî to bè̌dû̌bè̌htû kò toǒnu bè̌dû̌bè̌htû lǒkho kò nî̌꤮.