Popular Bible Verses from Rò̌mǎphû̌ 10

Share

Na dè olò̤ ta nakhû̌phě dě na dè hî̌ ta Ye̤shǔ mî̌ Běcǎ tapwa̤ na dè yṳǎ dě na sò̌phlǒkû ta Cǒmara ma̤htûpwa̤gesǒ Ye̤shǔ ta ta̤si hî̌nu, na nî̤bǎ ta̤lû̌htò̌ge pě.

Ma̤tè̤hî̌dě, kòyò htě a yṳǎ dě a sò̌phlǒkû toǒnu, Cǒmara bè̌cǒbè̌tè̤ yǎ. Htodě kòyò htě a olò̤ ta akhû̌phě toǒnu, a nî̤bǎ ta̤lû̌htò̌ge hǒ.

Ma̤hǐnudě, ta̤yṳ mî̌ a ǒ dě ta̤gana̤de ta̤wi̤ta̤kè̌ alo̤ hè pwǎ. Kò dǒhtû̌ǐ bǎ Khrî̌stu awi̤akè̌ akhû̌akhî, kò gana̤de nǒpwǎ ta̤wi̤ta̤kè̌.

Lî̤cahtǐkû hî̌ Ye̤shǔ awi̤akè̌ ta, “Ûpè bǎbǎ, a yṳǎ nû̌û toǒnu, a glè to̤dě ta̤ la̤sò̌phlǒpî̌ agûla̤nu a ǒ dǐkhò̌꤮ tò̤.” Ma̤tè̤hî̌dě Yṳ̌daphû̌ ta Yṳ̌daphû̌ mè̤tò̤ toǒnu a khǒ nû̌ûnu, aǒnǒ dǐcǎ꤮ tò̤. Pwa̤yṳǎphû̌ lǒ̤꤮ bò htǒotoǒ numî̌ a Běcǎ ǒplǒnû̌û tapwǎ̤꤮ pa pwǎ. Kòyò htě a kwihtò̌ nû̌û ta̤ma̤jè toǒnu, a howi̤ lǒbe bǎ asî hǒ. Ma̤tè̤hî̌dě, pwǐ lî̤cahtǐ hî̌ ta, “Ûpèpè̌ bǎbǎ a kwihtò̌ ta̤ma̤jè dě Běcǎ aǒ toǒnu, Běcǎ Cǒmara ma̤lû̌htò̌ge nû̌û pě.”

Kò dè plûhè bǎ asî pwa̤dǒhtû̌ǐ tò̤ hî̌dě asî cû̌ dǒhtû̌ǐjò bǎ kò hî̌tè? Lî̤cahtǐkû hî̌, “Kòyò htě a phî̌hè ta̤sò̌le̤sò̌lò̤ awi̤akè̌ toǒ akhò̌lopo̤nu awî̤ mè̤mè̤̌.”

Dè ma̤hǐnudě, asî ta̤yṳ dè ǒtò̤ hî̌dě a cû̌ kwihtò̌jò ta̤ma̤jè dě Běcǎ Ye̤shǔ a ǒ hî̌tè? Asî dè gana̤denǒ tò̤ hî̌dě a cû̌ yṳǎjò Běcǎ Ye̤shǔ hî̌tè? Pwa̤dǒhtû̌ǐ bǎ asî dè ǒtò̤ hî̌dě asî cû̌gana̤dejò hî̌tè?

Ma̤pûhǐ Cǒmara bè̌cǒbè̌tè̤bò kòyò htě a yṳǎ Khrî̌stu toǒ ayanudě, Khrî̌stu ma̤hto phlǔbò ta̤sû̌ta̤tòwò a ta̤yè̤lò̤nǎ toǒ hǒ.