Popular Bible Verses from Ta̤htû̌sò̌ǐ 91

Share

He hî̌ Cǒmara tûjûpwa̤ ta, “Na mî̌ hela̤ǒhǔ aměgle, hewî̤we̤dû̌ dě atònò. “Na mî̌ hecǒmara htě he yṳǎnǎla̤ǐ.”

Kòyò hè ǒ dě Cǒmara htě adû̌ahtûkhlo kò ala̤ǒhǔ měgle akû toǒ꤮, asî glè hèǒkǔsǎbò̌ nǒ dě Cǒmara htě apo̤phǎshû̌sho htǒotapwa̤ ata̤ma̤kwaǐ ala̤ pě.

Bǎ na kwigwèbǎǐ he akhanu, he glè gana̤deshǔ. Bǎ na shěto̤bǎ ta ta̤pò̤ta̤sha akhanu, he glè ǒkû̌ ta na. He glè ma̤lû̌htò̌ge na, he glè bè̌htò̌yî̤ na.

Na cû̌ bǎtètè̌꤮ bǎbǎ, Cǒmara glè nokè̌ǐkhwè̌ǐ ma̤kwaǐ na ta amǒkhû̌tanaphû̌.

A glè hǔbǐ na ta aděge, Na ǒtûdûbǎ dě aděla̤. Ata̤cǒtè̤tayo̤nu asǒsǒta nagòtò̤, la̤ma̤kwaǐ na.

Na nohtû Cǒmara tûjûpwa̤, Cǒmara htě adû̌ahtûkhlo kò ta nala̤ǒhǔ aměgle, la̤ma̤kwaǐ nagûla̤ akhû̌akhî, Ta̤phû̌mò̤shî̌hto hèbǎ nǒ na dǐcǎ꤮ tò̤. Ta̤shasila̤ hèphǔ dě nahǐkòshî̌ dǐcǎ꤮ tò̤tò̤.

Cǒmara glè ma̤lû̌htò̌ge na dě kò dò̌hǔ htò̌glonu toǒ acǔdekû ta ta̤shasila̤ toǒ acǔdekû.

Kòyò lòkhǔsi apwa̤ tîrî̌ dě nacǔcocî̌ tokho bǎbǎ, kòyò lòkhǔsi apwa̤ tòsò̌ dě nacǔdemû tokho bǎbǎ, a hèbǎto̤ nǒ na tò̤.

Ta̤sò̌gònò̤ ǐsha hè bǎ lṳmṳkhǐkhanu bǎbǎ, pla̤ htě kò khǎ yǎ bǎ lṳmṳshanu bǎbǎ, na la̤ǐsha ǒnǒ dǐcǎ꤮ tò̤. Ta̤shasila̤ hè dě ta̤khǐklanu bǎbǎ, khînǎmo̤pha htě a ma̤si kò bǎ lṳmṳshanu bǎbǎ, na la̤ǐsha ǒnǒ dǐcǎ꤮ tò̤.