Popular Bible Verses from Ta̤htû̌sò̌ǐ 103

Share

He htû̌sò̌ǐ Cǒmara tûjûpwa̤ ta hesò̌phlǒsamabò. Lǒ̤꤮ bò ta̤wǒ htě a ma̤hto bǎ he toǒnu, he shope̤nǎpè̤pe tò̤.

A bòlû̌kèbò heta̤sǔta̤plě lǒ̤꤮ bò. A ma̤hǎmǎkèbò heta̤shǐta̤sha pṳ̂̌꤮ tacǎ. A htè̌ge he dě ta̤si akla. Ata̤mo̤ǐ htě ahǎbòjò tò̤ ta ata̤gwèbǎǐ glûbǐ hehǐkǒ lò̤ta khû̌glûnu hǒ. A bè̌mo̤ hesò̌phlǒ ta ta̤wî̤ta̤wǒ. He phû̌sǎ khû̌ǎshû̌sho sǒsǒgesǒta le̤dû̌cǎsò.

He htû̌sò̌ǐ Cǒmara tûjûpwa̤. He htû̌sò̌ǐ ami̤ cahtǐ htǒo ta hesò̌phlǒsamabò.

Pwǐ꤮ pha gwèbǎǐ aphû̌ toǒnu, Cǒmara tûjûpwa̤ gwèbǎǐ pwa̤ htě a ǐsha bè̌dubè̌na̤ nû̌ûnu toǒ.

Cǒmara wîtepheyî̤kèbò pata̤sǔ toǒ lò̤kèta lṳmṳhtò̌ ta lṳmṳlò̤ ǒtepheyî̤ kè̌khînû̌ûnu.

Cǒmara tûjûpwa̤ mî̌ a gwèbǎǐ kò, a ma̤bwǐma̤sîrî kò. A sò̌phlǒhtû, a lǒbe ta ta̤mo̤ǐ htě ahǎbòjò tò̤.

Pwǐ pata̤sǔta̤plě ǒ dě pa gwata khòbǎnu, a nokhòbǎ pa tò̤. Pwǐ pa ma̤sǔ ta̤nu, pa to khòbǎ pwǎ̤tadě a ma̤ geshǔ pa ta ali̤ tò̤. Pwǐ mǒkhû̌ ǒhtò̌yî̤khlo ta hǎkhû̌nu, Cǒmara ata̤mo̤ǐ htě ahǎbòjòtò̤ htǒo, adû̌ahtûkhlo mè̤mè̤̌ ta kòyò ǐsha bè̌dubè̌na̤ nû̌ûnu toǒ aya.

Cǒmara tûjûpwa̤ bè̌ǒǐ agògohtahtò̌yî̤ dě mǒkhû̌. A htû Khwǐ bǎnu dě a pǒǐbò ta̤ pṳ̂̌꤮ tacǎ.