Popular Bible Verses from Pwa̤nophû̌ toǒ 17

Share

Ma̤pûhǐ kòyòhǎkhû̌phû̌ kè̌lǎ nû̌û pě kǎlè̌mî̌ a kè̌shǐ nû̌û pě kǎlè a gènè̤ dě a bǒlò̤ asî. Dè hî̌mè̤mè̤̌mî̌ Cǒmara ǒphǔpwǎ ta pa pwǎ.

Cǒmara bǒlò̤ pwǎ kòyò tapwǎ̤꤮ pa dě a nohtûhtò̌ kòyòhǎkhû̌phû̌ pṳ̂̌mṳpṳ̂̌cǎ dě a noǒbò kò bǎ hǎkhû̌tebě akû. Asana̤ ma̤wǒnǎ te̤mǎ tû̌ akhîakha ta ta̤gûla̤gûbò̌ htě kòyòhǎkhû̌phû̌ ǒ aya.

“Cǒmara htě a bǒlò̤ lṳmṳ, shǎ, la, hǎkhû̌ ta ta̤pṳ̂̌꤮ tacǎ htǒotapwa̤ numî̌ mǒkhû̌ ta hǎkhû̌ a Běcǎ hǒ. Dě ta̤lṳhtò̌ho htě kòyò ma̤ yǎta acǔde toǒnu, Cǒmara ǒ bǎnu toǒ akû tò̤.

Ma̤tè̤hî̌dě, a bè̌měbè̌glehto mṳni̤mṳsa dě a cèrò cǒtè̤bò hǎkhû̌tebě pě. Cǒmara wû̌lǎhto pwa̤cèròta̤ tapwa̤ hǒ. Dě a dǔlṳhto bǎ kòpṳ̂̌꤮ tapwa̤ ta a ta̤khòlṳ hǒ. Dě a ta̤khòlṳhtǒo awi̤akè̌ mî̌ a ma̤htûpwa̤gesǒ kòyònu tapwa̤ ta ta̤si htǒonu hǒ.”

“Pwǐ pa htû Cǒmara aphû̌ali̤ toǒnu, Cǒmara mî̌ alò̤ta wû, hta, mè̤tò̤mî̌ lo̤ toǒ pa to gènè̤ hǐnutò̤, Cǒmara mî̌ pwa̤ma̤jò bǒjòhǐ toǒ, pwa̤ htû cǔdesî̌jò toǒ bǒ htûhtò̌jò a pwǐ pwa̤yo̤nu toǒ mè̤tò̤.