Popular Bible Verses from ᤔᤳᤋᤡ 13

Share

ᤜᤧᤰᤁᤩᤠᤱ ᤏᤢᤒᤠ ᤂᤠᤶᤔᤥ ᤁᤧᤈᤢᤰᤐᤠ ᤕᤠ᤹ᤖᤡ᤺ᤶᤒᤧᤱᤃ ᤐᤠ᤺ᤴᤈᤠᤰᤁᤡᤴ ᤁᤧᤄᤧᤶᤒᤠᤀᤠᤱ ᤁᤢᤛᤡᤱ ᤁᤧᤏᤡ᤺ᤵᤐᤠ ᤔᤏᤠ ᤁᤢᤀᤡᤛᤡᤰ ᤆᤥᤰᤗᤥ. ᤜᤧᤰᤁᤩᤠᤱ ᤂᤧᤸᤗᤧ ᤁᤡᤵᤌᤡᤰ. ᤋᤢᤰᤐᤥᤱ ᤏᤢ ᤛᤢᤶᤒᤥᤱ ᤗᤧᤱ ᤌᤠᤖᤡᤰ ᤁᤢᤈᤠ᤹ ᤑᤳᤇᤢᤖᤥ॥”

ᤋᤡᤱᤃᤪᤣᤰᤐᤠᤸᤗᤧ ᤁᤢᤛᤣ᤹ ᤁᤧᤏᤧᤒᤠᤍᤧᤴᤏᤥ ᤁᤧᤈᤢᤰᤐᤠ ᤕᤠ᤹ᤖᤡ᤺ᤶᤒᤧᤱᤃ ᤐᤠ᤺ᤴᤈᤠᤰ ᤁᤧᤄᤧᤶᤒᤠ ᤔᤏᤠ ᤁᤢᤀᤡᤛᤡᤰ ᤆᤥᤰ. ᤁᤖ ᤂᤧᤸᤗᤧ ᤁᤴ ᤜᤡᤱᤔᤴᤏᤥᤒᤠ ᤌᤣ᤺ᤴ ᤆᤠᤔᤠ ᤌᤢᤱᤔᤠ ᤏᤢ ᤕᤠᤱᤛᤠᤁᤢᤴᤎᤣᤛᤠᤒᤠ ᤀᤠᤰᤂᤣᤀᤠᤱ ᤐᤥᤱᤔᤠ ᤁᤧᤗ᤹ᤒᤠ ᤏᤡᤱᤘᤠ᤹ᤀᤡᤸᤗᤧ ᤐᤠ᤺ᤴᤈᤠᤰᤁᤡᤴ ᤛᤢ᤺ᤵᤋᤢᤍᤣᤛᤢ᤹. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤈᤠ᤹ ᤔᤧᤓᤳᤇᤢᤴᤗᤥ॥

ᤀᤠᤳᤋᤡᤸᤗᤧ ᤏᤡᤱᤘᤠ᤹ᤑᤢ ᤜᤠᤱᤈᤢᤶᤒᤠ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤴ. ᤂᤧᤴ ᤔᤏᤠ᤺ᤱᤃ ᤗᤠᤶᤔᤥ ᤁᤧᤈᤢᤰᤐᤠ ᤕᤠ᤹ᤖᤡ᤺ᤶᤒᤠ ᤁᤢᤀᤡᤛᤡᤰ ᤆᤥᤰ॥ ᤔᤠᤑᤧᤴᤛᤠᤶᤔᤡᤴ ᤋᤠᤀᤠᤱ ᤂᤧᤸᤗᤧ ᤁᤢᤏᤡᤱᤘᤠ᤹ᤀᤥ ᤁᤧᤕᤠᤰᤐᤠ ᤐᤠ᤺ᤴᤈᤠᤰᤁᤡᤴ ᤗ᤺ᤳᤋᤢ ᤋᤣ᤹ᤖᤢᤖᤥ॥

ᤗᤢᤱᤄᤧᤖᤧᤰᤁᤥ ᤁᤧᤈᤢᤰᤐᤠ ᤕᤠ᤹ᤖᤡ᤺ᤶᤒᤧᤱᤃ ᤐᤠ᤺ᤴᤈᤠᤰᤁᤡᤴ ᤁᤧᤛ᤺ᤵᤐᤠᤖ ᤁᤧᤍᤠ᤺ᤰᤐᤠ ᤔᤏᤠ ᤁᤢᤀᤡᤛᤡᤰ ᤆᤥᤰ. ᤁᤖ ᤋᤠᤱᤒᤠ ᤁᤢᤛ᤻ᤛᤠ᤺ᤵ ᤁᤧᤒᤵᤐᤠ ᤁᤢᤒᤢᤱᤔᤠᤴ ᤜᤧᤰᤁᤣ ᤂᤧᤸᤗᤧ ᤛᤵᤑᤠᤖᤰ ᤌᤖᤢᤖᤥ॥ ᤜᤧᤰᤁᤩᤠᤱ ᤐᤠ᤺ᤴᤈᤠᤰᤁᤡᤴ ᤏᤛᤠᤴ ᤆᤥᤃᤢᤒᤠᤸᤗᤧ ᤁᤧᤛᤠᤰᤐᤠ ᤐᤠᤴ ᤏᤢ ᤋᤢᤰᤂᤣᤴ ᤋᤠᤏᤢᤔᤧ᤺ᤴᤏᤣ ᤜᤠᤖᤠᤀᤣ ᤏᤛᤠ᤺ᤴᤏᤡᤴ ᤗᤧᤖᤢᤍᤣᤛᤢ᤹ᤖᤥ॥

ᤕᤠᤶᤔᤥ “ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤱᤃ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥ ᤆᤡᤱᤔᤏᤠᤒᤠ ᤕᤖᤡᤰ ᤕᤠᤱᤓᤢ᤺ᤴ ᤁᤢᤀᤡᤛᤡᤰ ᤆᤥᤰᤗᤥ॥ ᤔᤏᤠᤎᤡᤰᤗᤧ ᤂᤧᤴ ᤕᤠᤱᤓᤢ᤺ᤴ ᤂᤥᤛᤢᤀᤠᤱ ᤕᤠᤶᤔᤥ ᤆᤡᤰᤂᤢᤖᤥ. ᤜᤧᤰᤁᤩᤠᤱ ᤂᤧᤴ ᤛ᤺ᤳᤗ ᤐᤣ᤺ᤰᤁᤠᤱ ᤂᤢᤏᤧ᤹ ᤁᤳᤋᤢᤒᤠ ᤁᤧᤖᤧᤰ ᤆᤡᤃᤰᤘᤠᤜᤠ᤹ ᤛᤱᤄᤢᤀᤠᤱ ᤂᤧᤴ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤡᤴ ᤀᤡᤅᤢᤖᤥ॥”

ᤁᤢᤓᤠ ᤕᤠ᤹ᤖᤡ᤺ᤶᤒᤧᤱᤃ ᤏᤢᤒᤠ ᤂᤠᤶᤔᤥ ᤆᤢᤰᤋᤧᤖᤥ॥ ᤂᤧᤱᤜᤠ᤹ᤀᤥ ᤁᤡᤵᤌᤡᤰᤗᤧᤱ (᥇᥆᥆). ᤋᤢᤰᤐᤥᤱ ᤗᤧᤱ (᥌᥆) ᤏᤢ ᤛᤢᤶᤒᤥᤱ ᤗᤧᤱ (᥉᥆) ᤌᤠᤖᤡᤰ ᤁᤢᤈᤠ᤹ ᤐᤳᤇᤧᤖᤥ॥

ᤆᤠᤛᤢᤶᤔᤠ ᤕᤧᤶ ᤌᤠᤖᤡᤰ ᤏᤧᤵᤔᤠᤱ ᤛᤥᤛᤥᤖᤡᤰ ᤐᤥᤛᤡᤖ॥ ᤜᤧᤰᤁᤩᤠᤱ ᤂᤧᤴ ᤕᤧᤶᤔᤥ ᤆᤠᤃᤧᤛᤢᤶᤒᤠᤜᤠ᤹ ᤁᤧᤖᤧᤰᤏᤢ ᤋᤃᤡ ᤔᤠᤗᤧ᤺ᤴᤍᤥᤜᤠ᤹ ᤀᤠ᤺ᤰᤂᤧᤶᤔᤧ᤹ᤀᤠᤱ ᤀᤡᤓᤢᤳᤋᤧᤶᤔᤧ᤹ ᤜᤧᤰᤁᤩᤠᤱ ᤔᤡᤀᤥ ᤗᤠᤵᤑᤢ᤺ᤛᤧᤶᤔᤧ᤹ ᤜᤧᤰᤁᤩᤠᤱ ᤔᤠᤛᤡᤴ ᤛᤢᤵᤛᤧᤶᤔᤧ᤹ᤀᤠᤱ ᤆᤠᤕᤠᤱᤔᤠᤀᤥ ᤕᤠ᤺ᤰᤋᤧᤶᤔᤧ᤹ ᤑᤠ᤹ᤀᤠᤱ ᤀᤡᤱᤈᤠᤱ ᤐᤡᤖᤢᤱᤛᤡᤱᤗᤥ॥’”