Popular Bible Verses from ᤔᤳᤋᤡ 11

Share

“ᤁᤧᤖᤧᤰ ᤁᤧᤗᤡ᤺ᤵᤐᤠ ᤁᤰᤁᤡᤸᤗᤧ ᤁᤧᤃᤧ᤺ᤵᤋᤡᤒᤠ ᤏᤢ ᤁᤧᤏᤠᤒᤠᤛᤣ. ᤀᤡᤱᤃᤠ᤹ᤀᤥ ᤋᤩᤧᤶᤔᤧ᤹ᤀᤥ. ᤀᤡᤱᤃᤠ᤹ ᤏᤠ᤺ᤶᤛᤡᤱᤔᤠ ᤐᤡᤏᤡᤱᤗᤥ॥

ᤀᤡᤱᤃᤠ᤹ ᤀᤠᤈᤡᤄᤧ᤺ᤵᤐᤡᤴ ᤁᤢᤕᤧᤶᤔᤧ᤹ᤀᤠᤱ ᤀᤡᤱᤃᤠ᤹ᤏᤢ ᤜᤢ᤹ᤀᤠᤛᤡᤶᤔᤧ᤹ᤀᤥ॥ ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤗᤢᤶᤗᤢᤶᤒᤠ ᤏᤢ ᤆᤢᤱᤈᤡᤃᤧᤶᤒᤠ ᤆᤥ᤺ᤰᤁᤠᤖᤥ. ᤜᤧᤰᤁᤩᤠᤱ ᤂᤡᤏᤡ᤹ ᤕᤠᤶᤛᤠᤶᤔᤡᤸᤗᤧ ᤏᤠ᤺ᤶᤛᤡᤱᤔᤠ ᤂᤥᤛᤢ᤹ᤖᤥ॥

ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤈᤡᤄᤧ᤺ᤵᤐᤡᤴ ᤀᤢᤛᤢᤖᤢᤒᤠ ᤏᤢ ᤁᤢᤔᤠ ᤐᤠᤱᤏᤡᤱᤒᤠ ᤀᤠᤃᤰᤁᤡᤴ ᤕᤠᤱᤕᤠᤱᤒᤠ ᤆᤥᤰᤗᤥ॥”

ᤜᤧᤰᤁᤩᤠᤱ ᤕᤧᤛᤢᤖᤧ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤀᤠᤶᤒᤠᤖᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤡᤖᤠᤱᤅᤠᤱ ᤘᤠ᤹ᤖᤥ॥ ᤁᤢᤛ᤻ᤛᤠᤴ ᤁᤢᤶᤒᤠᤖᤧᤖᤰ ᤁᤢᤛᤡᤱᤏᤡ᤺ᤳᤋᤢ᤹. ᤘᤣ᤹ᤜᤠ᤹ᤖᤧ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥ ᤜᤧᤰᤁᤩᤠᤱ ᤐᤠᤏᤢᤍᤡᤱ ᤐᤠᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤖ ᤑᤠ᤹ᤀᤠᤱ ᤁᤢᤛ᤻ᤛᤠ᤺ᤸᤗᤧ ᤀᤥᤛᤣ᤺ᤴᤎᤠᤰᤋᤢᤛᤡᤒᤠ ᤔᤏᤠᤜᤠ᤹ᤖᤧᤖᤰ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ᤖᤥ॥

ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ. “ᤏᤢ᤺ᤰᤂᤧᤶ ᤐᤣᤃᤧᤶᤔᤧ᤹ᤀᤠᤱ ᤁᤧᤏᤡᤛᤢᤶᤒᤠ ᤏᤢ ᤁᤧᤄᤧᤵᤛᤢᤶᤒᤠ ᤐᤠ᤺ᤴᤜᤠ᤹ ᤕᤢᤜᤢᤴᤏᤠᤴ ᤔᤧᤳᤋᤧᤶᤔᤧ᤹ᤀᤥ— ᤔᤡᤰᤑ᤺ᤶᤒᤠᤜᤠ᤹ᤖᤧ ᤏᤡᤔᤠ ᤔᤧᤛᤢᤰᤋᤢ᤹. ᤗᤠᤱᤛᤰᤐᤠᤜᤠ᤹ ᤗᤠᤱᤔᤧᤄᤣ᤺ᤰ. ᤗᤥᤃᤣ᤹ ᤋᤢᤰᤔᤠᤸᤗᤧ ᤋᤖᤢᤛᤡᤒᤠᤜᤠ᤹ ᤔᤧᤏᤢ᤹. ᤏᤠᤎᤠᤰᤐᤠᤜᤠ᤹ᤖᤧ ᤂᤧᤶᤔᤠ ᤔᤧᤛᤢᤰᤋᤢ᤹. ᤁᤧᤛᤡᤒᤠᤜᤠ᤹ ᤁᤢᤜᤡᤱᤘᤧᤳ ᤔᤧᤒᤥᤱ. ᤜᤧᤰᤁᤩᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤛᤢᤏᤠᤀᤡᤱ ᤔᤧᤄᤧᤵᤛᤢ᤹ᤖᤥ॥

ᤏᤢ᤺ᤖᤡᤰᤁᤠᤱ ᤂᤧᤵᤛᤧᤶᤔᤧ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤧᤶᤔᤧ᤹ᤀᤥ᥄