ᤜᤧᤰᤁᤩᤠᤱ ᤜᤏᤏᤡᤕᤠᤴ ᤂᤧᤴ ᤜᤡᤶᤔᤥ ᤐᤣᤀᤠᤱ ᤛᤠᤘᤗᤖᤧ ᤁᤢᤎᤧᤃᤣᤰ ᤛᤶᤍᤠᤱ ᤁᤢᤜᤢᤰᤜᤠ᤹ ᤏᤧᤛ᤻ᤛᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤠᤴᤛᤠ᤹ ᤛᤠᤘᤗᤀᤣ. ᤍᤠᤱᤒᤠ ᤕᤧᤛᤢᤖᤧ ᤀᤡᤱᤃᤠ᤹ ᤐᤠᤱᤄᤠᤱᤒᤠᤖᤥ॥ ᤂᤢᤏᤧ᤹ᤃ ᤁᤵᤔᤥ ᤍᤔᤛ᤻ᤁᤛᤀᤥ ᤁᤧᤍᤩᤧᤖ ᤁᤧᤒᤳᤇᤧᤸᤗᤧ ᤗᤠᤶᤔᤥ ᤂᤧᤏᤧ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤂᤧᤏᤧ᤹ ᤕᤠᤶᤔᤥ ᤏᤡᤔᤠ ᤁᤧᤛᤢᤰᤋᤢᤖ. ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤎᤢᤰᤗ ᤑᤠ᤹ᤀᤠᤱ ᤐᤠᤱᤄᤠᤱᤒᤠᤖᤥ॥” ᤂᤡᤔᤥ ᤛᤠᤘᤗᤖᤧ ᤁᤢᤔᤡᤰᤁᤥᤗᤠᤶ ᤅᤠᤛᤣ᤺ᤰ ᤜᤧᤰᤋᤱᤒᤠ ᤔᤰᤌᤩᤧᤀᤠᤱ ᤂᤢᤏᤧ᤹ ᤕᤠᤶᤔᤥ ᤏᤡᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧ॥ ᤂᤢᤏᤧ᤹ ᤐᤥᤃᤧᤀᤠᤱ ᤜᤏᤏᤡᤕᤠ᤺ᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤖᤥ॥