Popular Bible Verses from ᥇ ᤐᤋᤪᤢᤛ 3

ᤁᤖ ᤂᤡᤏᤡ᤹ ᤜᤡᤱᤔᤴᤏᤥ ᤂᤪᤡᤛ᤻ᤋᤧᤴ ᤍᤠᤱᤒᤠ ᤗ᤹ᤖᤡᤰ ᤛᤧᤘᤠ ᤆᤥᤃᤧᤶᤔᤧ᤹ᤀᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤃᤳᤋᤢᤶᤒᤠ ᤏᤡᤱᤛᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤣ᤺ᤴᤃᤧᤶᤗᤠᤵᤋᤡᤸᤗᤧ ᤗᤢᤶᤗᤢᤶᤔᤠᤱ ᤀᤡᤱᤎᤠᤱᤅᤡᤴᤏᤢ ᤏᤥᤃᤵ ᤐᤡᤔᤠ ᤛᤍᤠᤍᤡᤱ ᤕᤠᤖᤡᤵ ᤐᤥ᤺ᤰᤂᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤑᤧᤴᤐᤠᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤪᤡᤛ᤻ᤋᤀᤥᤒᤠ ᤂᤡᤏᤡ᤹ ᤏᤢᤒᤠ ᤕᤧᤵᤗᤧᤰᤁᤡᤴ ᤔᤏᤠᤜᤠ᤹ᤖᤧ ᤔᤧᤏᤡᤛᤢᤀᤠᤱ ᤂᤧᤱᤜᤠ᤹ ᤛᤡᤖᤡᤱ ᤔᤧᤔᤖ ᤑᤠ᤹ᤀᤠᤱ ᤛᤣᤛᤣ ᤂᤠᤛᤡᤱ ᤁᤳᤋᤧᤶᤔᤧ᤹ᤀᤥ॥

ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤛᤠᤶᤕᤥᤒᤠ ᤔᤏᤠᤜᤠ᤹ ᤁᤶᤒᤪᤠᤱ ᤔᤧᤳᤋᤢᤛᤡ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤘᤠᤴ ᤂᤧᤵᤛᤢ᤹. ᤁᤖ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤥ᤺ᤰᤗᤥ॥”

ᤂᤡᤏᤡ᤹ᤃ ᤐᤖᤡᤰᤐᤖᤡᤰᤐᤠ ᤌᤠ᤺ᤰ ᤑ᤺ᤔᤠᤴ. ᤛᤠᤶᤔᤩᤠᤱ ᤘᤠ᤺ᤳᤋᤡᤜᤠ᤹ ᤘᤠ᤺ᤵᤔᤠᤴ ᤏᤢ ᤀᤡᤔᤧᤸᤗᤢᤱᤒᤠ ᤏᤠ-ᤏᤠ ᤐᤖᤡᤰᤐᤠ ᤆᤠᤱᤜᤠ᤹ ᤆᤠᤱᤔᤠᤴ. ᤗᤠ᤺ᤰᤁᤠᤳᤗᤠᤶᤒᤠ ᤁᤧᤎᤠ᤺ᤵᤐᤠ ᤆᤥ᤺ᤰᤛᤡᤱᤔᤥ ᤔᤣ᤺ᤴ. ᤁᤖ ᤂᤡᤏᤡ᤹ ᤏᤢᤔᤠᤱᤃ ᤀᤠᤵᤑᤠᤸᤗᤧᤀᤠᤱ ᤔᤧᤶᤔᤠᤔᤏᤠᤒᤠ ᤛᤢᤶᤛᤢᤶ ᤕᤧᤰᤕᤧᤰ ᤏᤢ ᤏ᤺ᤶᤏ᤺ᤶ ᤗ᤹ᤔᤠᤴ ᤛᤡᤃᤠᤱᤗᤠᤶᤒᤠᤀᤣ ᤏᤡᤎᤠ᤺ᤵᤗ ᤐᤥᤱᤗᤥ॥ ᤂᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤔᤠᤀᤥ ᤀᤡᤔᤧᤸᤗᤢᤱᤒᤠ ᤆᤥᤰᤗᤥ॥

ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤜᤡᤱᤔᤴᤏᤡᤴ ᤔᤡ᤺ᤶᤈᤡ ᤁᤧᤔᤧᤵᤐᤠᤀᤠᤱ ᤛᤢᤕᤧᤴᤜᤠ᤹ ᤀᤥᤔᤧᤵᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠᤸᤗᤧ ᤑᤧᤴᤐᤠᤴ ᤐᤠ᤺ᤵᤔᤠ ᤏᤢ ᤀᤡᤱᤗᤧᤰ ᤐᤠᤴ ᤐᤠ᤺ᤵᤔᤠ ᤔᤧᤏᤢ᤹ᤏᤧᤴ॥ ᤂᤧᤸᤗᤧ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤵᤔᤠᤀᤠᤱ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤥᤱ॥ ᤛᤏᤠᤖᤢᤱᤅᤥ ᤘᤠ᤹ᤔᤠ ᤋᤶᤛᤡᤱ ᤆᤥᤃᤢᤖ ᤐᤥᤱ ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤐᤠ᤺ᤴᤏᤥ ᤐᤵᤔᤠᤀᤣ ᤐᤥᤱᤗᤥ॥

ᤁᤢᤏᤢᤵᤔᤥ. ᤂᤡᤏᤡ᤹ ᤏᤡᤱᤘᤠ᤹ᤀᤥ ᤁᤠᤰ ᤌᤡᤰᤜᤢᤵ ᤐᤥ᤺ᤰᤂᤧᤶᤔᤧ᤹. ᤗᤢᤱᤔᤠ᤹ ᤋᤢᤰᤁᤠᤛᤡᤶᤔᤧ᤹. ᤔᤡ᤺ᤶᤈᤡ ᤔᤧᤳᤋᤠᤛᤡᤶᤔᤧ᤹. ᤜᤠᤱᤜᤠᤱᤘᤠ ᤀᤥᤛᤣ᤺ᤴᤎᤠᤰᤁᤠᤛᤡᤶᤔᤧ᤹ ᤜᤧᤰᤁᤩᤠᤱ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤐᤥ᤺ᤰᤂᤧᤶᤔᤧ᤹ᤀᤥ॥ ᤑᤧᤴ ᤐᤠ᤺ᤴᤏᤡᤸᤗᤧ ᤁᤢᤗᤧᤰᤘᤠ ᤑᤧᤴᤐᤠᤴ ᤔᤧᤈᤥᤃᤧᤶᤔᤡᤴᤏᤧ᤹. ᤁᤡᤏᤠ᤺ᤴᤍᤡ᤺ᤸᤗᤧ ᤁᤢᤗᤧᤰᤘᤠ ᤁᤡᤏᤠ᤺ᤴᤍᤡ ᤔᤧᤒᤡᤖᤧᤶᤛᤡᤶᤔᤡᤴᤏᤧ᤹. ᤁᤖ ᤂᤧᤸᤗᤧ ᤁᤢᤗᤧᤰᤘᤠᤃ ᤔᤢ᤹ᤀᤡᤛᤠᤶ ᤐᤡᤖᤧᤶᤛᤡᤶᤔᤧ᤹॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ ᤔᤢ᤹ᤀᤡᤛᤠᤶ ᤐᤡᤛᤧ ᤁᤧᤀᤢ᤺ᤳᤋᤡᤀᤠᤱ ᤘᤠ᤹ᤖᤥ॥

ᤂᤡᤏᤡ᤹ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤡᤰ ᤛᤶᤒᤠᤸᤗᤧ ᤛᤧᤰᤂᤠᤀᤣ ᤀᤠᤳᤋᤡᤸᤗᤧᤀᤠᤱ ᤂᤠ᤺ᤶᤔᤠ ᤁᤧᤴᤇᤢᤰᤋᤡᤴᤗᤥ॥

ᤂᤧᤸᤗᤧ ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤵᤔᤠᤀᤠᤱ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤐᤥᤱ॥ ᤛᤏᤠᤖᤢᤱᤅᤥ ᤘᤠ᤹ᤔᤠ ᤋᤶᤛᤡᤱ ᤆᤥᤃᤢᤖ ᤐᤥᤱ ᤜᤧᤰᤁᤩᤠᤱ ᤜᤠᤒᤠ ᤂᤧᤴ ᤐᤠ᤺ᤴᤏᤥ ᤐᤵᤔᤠᤀᤣ ᤐᤥᤱᤗᤥ॥

ᤑᤧᤴ ᤕᤠ᤺ᤶᤒᤰ ᤆᤥ᤺ᤰᤔᤠᤀᤠᤱ ᤀᤡᤏᤥᤃᤧᤴ ᤋᤢᤰᤂᤣ ᤆᤠᤔᤠᤏᤢ᤺ᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤆᤥᤃᤢ᤹ᤏᤧ ᤑᤃᤪ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤠᤱ ᤀᤡᤏᤥᤃᤧᤴ ᤋᤢᤰᤂᤣᤀᤥ ᤌᤠᤔᤠᤀᤣ ᤏᤢᤒᤠ ᤐᤥᤱᤗᤥ॥