Popular Bible Verses from Rom 8

Share

Hu ka shangi nyai, saa ti shak ɗamam, DeeƁwe mas ro ɓurti maɗesi si som ima si ɓwetus, ima laiyus ta ngga' ima ma ɓweti ta.

I ɓwet nyai, a mot hu apwet, ahun a som lu' i DeeƁwe hu rinan mufwashani, ahun a mwashi hu yes wei, ahun a nin andoki, ahun a sisyat hu kinggyongat, ahun a ɗama nin akat na saa ti ɗamam ima DeeƁwe lan shak, si ndok ɓa si ɓel kan ya tasi matɓwet ima DeeƁwe mati ɓur sikan ta wii i Yeso Kristi Deembai amukan kwa.

Andi hwak, Rin bum kan saa ti to amukan. Ka shang ngga' ima ɗat ka fwal DeeƁwe ta kwa, ɗak Rin ti haisus ma fwal ti DeeƁwe ɓur sikan ti ndus ima findelal si ndok si lak kwa.

Ami ka wa laki si aɗeng mai hai ya? Na DeeƁwe a amukan, awe ndok u zan wei ti kan ya?

Ɓurti andi, mwashi som ima si ta saa ti Yeso Kristi wi si wa kpa kwa.

Ambe' i maɗufal ma mafwashi a mot, ɗak ambe' tima a Rin mati a mupwet hu cala.

Wayou, saa ti mii ɗamami shak, ka ɓin som i cwai ti uges saa ti yis ima ɓwet kan.

I shangi nyai, shum amukan na naya ti kwai moti ndok ka kaanus hu cinjangat ima si wa kofi na hai kan ti yes wei kwa.

Awe ma wa ɓel sikan ya tasi matɓwet i Kristi ya? A shaal, ahun a shum ya? A tirim, ahun a hwem ya? A mute ambwiriti, ahun a mute mujuwi fo, ahun a bakam ya?

DeeƁwe ima benya mulwat amukan shang ambe' i Rin, ɓurti Rin ma fwal ɓurti som i sapai ta ngga' ima DeeƁwe ma ɓweti ta.

Ɓurti som ima Rin i DeeƁwe ma zulsus cwang, a fe i DeeƁwe.

Som ima si mas mute i lo' i maɗufal ma masti mafwashi, si mbe'i ti a aɗeng ima lo' ma gweli. Shak som ima si mute i Rin Masapai, si mbe'i ti a aɗeng ima Rin ma gweli.

Yis ima sha Al ames kwa, fa ɓur sikan shak. Unai yis DeeƁwe ima fa kan Al amesi, ma wa fasikan mal i ɗamam shak gilik kwa haa?

Rin i DeeƁwe ti haisus hu rin amukan ma kofi rasman nyai, kan a fe i DeeƁwe. Na kan a fe, ka wa cwai ti kop i DeeƁwe ndai, a awei, ka wa cwai ti kop i cinjangat i DeeƁwe akul hu Kristi. Na kan wa mat ti cinjangat ames, a kpak ka wo shum ima yis wo hwak.

Ambe' mafwashi zan wei ti DeeƁwe, ɓurti nggwes ti ro i anggut i DeeƁwe, si ndok si masi andi kwa.

Shak lan si cwai ti ra ya shwaiti matkof i fe i DeeƁwe.

Ka shangi nyai shak ɗama ima DeeƁwe lan sima ndus fota mbor tya ti hal ti hanat i al yes myan mai.