Popular Bible Verses from Rom 6

Share

Ɓurti talal i mafwashi a mot, ɗak mal i DeeƁwe a mupwet i myan hu myan ta kyel i Yeso Kristi Deembai amukan.

Ka hu hon mafwashi u mas kaitat si hun hai kwa, ɓurti hu mata ra i anggut kwa, hu mayu ta ra i mal i DeeƁwe.

Ɓurti andi si laikan akul hu Kristi ta fisel ti batisma saa ti mot, ɓa ka mas mute mumwayi hwak, fota ngga' ima Kristi luk fit ta mot ta fisel ti cinjangat i Dee.

Kan hu fa ɓwayai i lo' amu si masti mafwashi hai, fota ɗamam i ro i gbaf kwa. Fo i mandi, fahun haisu ta kyel i DeeƁwe fota som ima si re'us ya ta mot wi wa mupwet. Fahun ɓwayai i lo' amu ta ra i DeeƁwe fota ɗamam i ro munderei.

Ɓurti ka shangi nyai, mute amukan ima ai si nggwak ya akul hu yis, ɓa si ɓel lo' i mafwashi amukan ya, a ɓurti kan ka cu wei ti mute ii yarai i mafwashi kwa.

Andi hwak, mbe' hun haisu fota som ima si mot ta mafwashi wi, ɗak si yusti mupwet ta kyel i DeeƁwe saa ti Yeso Kristi.

Ka wa nyai amiya? Ka wa cwai ti wei ti masti mafwashi, ɓa mal i DeeƁwe u cu wei ti hya haa? Wayou! Ti ka mot kan ta mafwashi wii. Ami ma wa kini ka cu wei ti mute ta wi hwak ya?

Hu shangi nyai, na hu fa haisu ta kyel i ɗeng ɓa hu halus fota yarai, hun a yarai i maɗufal ima hu halsus. Na hun ii yarai i mafwashi gbaak, ma wa kolsu a mot, ahun a hal ti findel, ima kol mute manderei ya?

Palang wa kyel i DeeƁwe, shak ta ngga' ima ai hun ii yarai i mafwashi, mwashi hu mas ro ti shak ɗamam ima ni kofuti ti mulut andek. Si catu ii ra ta mafwashi wi, hu te ii yarai i mute manderei.