Shak cinjangat wa kyel i DeeƁwe, a yis ndok u kinu njeng ti Muro Maɗesi amen. A muro si Yeso Kristi hai ima kof aɗeng ima sinzam ɓursu hun Ramam. A findel ima ai si fot ti tasi ɓele, unai mwashi matkof ta fisel ti worong i som shit si laki i DeeƁwe ima mana tasi myan hu myan. Mas mai ɓa shak Ramam si fa mwawei, si mas aɗeng ima DeeƁwe ma ɓweti. Cinjangat i myan hu myan wa kyel i DeeƁwe ima a yis je mati piris saa ti Yeso Kristi! Aandi.