Popular Bible Verses from Rom 14

Share

Ɓurti kaitat i DeeƁwe a findel i cwai hu woi kwa, a findel i mute manderei, mute cala hu jakak saa ti Rin Masapai. Ɓurti shak maɗufal ima mas ro i Kristi na fisel moti, ma kinti DeeƁwe ɗat si ɓwi hu ɗufal hwak si ɓwetus.

Na ka pwet, ka mupwet wa kyel i Deembai, na ka mot, ka ma mot wa kyel i Deembai. Na ka pwet ahun na ka mot, kan ii Deembai.

Ɓurti andi, ka mas shak aɗeng ima ka wa masi i yes ti mute cala, hu ta' ti ɗamam i cwai ti wei na saa kanti.

Ɓurti andi, ka hon lefti ɗiyai ɓur hai. Fo i mandi, ka zan na mulwat nyai, ka wa mute ii afyai i bukat ahun a ɗama i tirim wa kyel i shunukan kwa.

Mata worong, “ ‘I shiɗat ti mupwet amen,’ Deembai lak, ‘shak fwaran si wa cinggir na mabel amen, shak alisas si wa ha' ti DeeƁwe fit.’ ” Unai, shak a sikani ka wa fati ambe' i mupwet amukan ta mabel i DeeƁwe.

Mat hun maɗufal ima fati mulut asus ti to, kan hu lefus ɓur hai ɓurti ambe' ames mayus akat hu amu kwa.

Ha awe ima ha lefti ɓur si yere i ɗeng hai ya? Na te mangra ahun fur, shak ɓuri mata ra i dee mawur ames. Ma wa mute mangra, ɓurti Deembai ndok u kinus u te mangra.