Popular Bible Verses from Rom 12

Share

Kan hu ɓwet mulwat amu u mas aɗeng ima naya moti ti masi kwa, fo i mandi, shen hun ti mute ii mumwayani ta ambe' amu. Ani ma wa kini hu mba, ɗak hu ha' aɗeng ima DeeƁwe ma ɓweti maɗesi, i ɗat si ɓwi hu ma nggya-nggyai.

A shunun, DeeƁwe a ma gu'ti ashur fwet. Ɓurti andi, i fwalsu fahun haisu ɓa hu te ii kuna mapweti, masapai ima DeeƁwe ma ɓweti, a yis mii cwai ti afut i mwawei i rin amu wa kyel i DeeƁwe.

Jakak hun saa ti Kintiɓwi, ka' hun agung saa ti shum, fahun mulut si fwal ti DeeƁwe.

Kan hu hon mafwashi u ɓin njeng amu kwa, fo i mandi ɓin hun njeng i mafwashi ti masti maɗesi.

Fahun haisu si matɓwet ima hun a shunus i ɗiyai. Fahun ɗiyai ngye u ɓin ngga' ima hu fati haisu ta.

Matɓwet amu a kpak u te ii mwawei. Hu nggyu ti aɗeng ima mii mafwashi, hu ka' maɗesi gbwenjeng.

Na yis wa mas, masa shak aɗeng ima ha wa masi, hu te cala hu ɗufal shak.

A myayun, kan hu wer kwa, hon hun DeeƁwe u werui ti futut ames. Ɓurti si worong nyai, “A wer amen, i wa weri,” Deembai lak.

Kan hu njwangat kwa, kukush hun, kin hun hai ti mulut andek saa ti rin amu hun masti Deembai ro.

Ti mal maɗesi ima DeeƁwe fan, i ma laksu ti andek-andek, kan hu zan haisus u ɓin ngga' ima hu mata kwa, fo i mandi, mas hun mwawei si bene ti haisu, kiga' hu amba i fati mulut ima DeeƁwe fu.

Kan hu wer ɗeng mafwashi ti mafwashi kwa. Tehun mweret hu mas aɗeng ima ma kiga' ta shishat i ɗufal shak.

Mas hun mute i cala akul ti ɗiyai. Kan hu ngye na hihai kwa, mas hun myatat hu som ima si mii fo i ɗama kwa. Kan hu zan haisu fota hu ɓin anggum i ɗufali kwa.

Fo i mandi, “Na ma ha' ti wei ti ha yis ti hwem, Faha yus cwa, na yis myaf, Faha yus ham u wo. Ti masi andi, ha suɓut sus a man i mangyesh hai.”

Kin hun som ima si kofsu ya maɗesi, kin hun yus maɗesi, kan hu kinus ɗor hai kwa. Jakak hun akul hu som ima si jakak, kawa hun akul hu som ima si kawa.

Kaar hun ɗamam ima huti hu ɗufal i DeeƁwe ima si ti kwa. Hu mat mwalmwat ra apil.

Fota ngga ima kati ɓwayai hyang na lo' amukan andek, si ti a ro musut andek kwa. Andi hwak, kan ɗufal ka hyang ima ka ta wii i Kristi. Ka tekan ti lo' andek ta wii i Kristi, shak a sikani ka te ii ɓwayai i lo' i ɗiyai.