Popular Bible Verses from Zwz Nduq 27

Share

"Ngwz dij Sen gumx mawz, hawj naemxpaen ndaw pumhfax daeuj zoah zwz hoj, hawj raehnaz mawz namh yawz taeuq, hawj mawz bi rawz goj ndaej kaeujpyaek lai, bi rawz goj miz laeuj mawq lai. Ngwz dij goanz dihndin kvej hawj mawz, Ngwz puj gaeng goj gvih maz doq mawz. Ngwz mawz hoak zaeuj bihnongx mawz, Ngwz bihnongx ndiang mawz gvih maz doq mawz. Gawz vanz dij Sen fah mawz, ngwz dij Sen fah dix. Gawz vanz dij Sen gumx mawz, ngwz dij Sen gumx dix!"

Yixsaux hax: "Baez naeh zawh dix baez daih ngih yai gux, sangh minxzwh dix nyaek hoak Yaqgowh . Koax daekgoanq dix longx gux hoak lugzaizto, mawz lez, gannaeh daeuq longx gaenq gaenqmawz vanz dij Sen gumx gux naeh." Yixsaux cham dez dix: "Mawz vanz dij Sen gumx gux mboq baenz saek yowngh ejraj?"

Yaq dez dix Yitsaeg hax: "Mawz mboq ndaej yuq dih raehnaz namh yawz naeh, Mawz mboq ndaej yuq dih naemxpaen ndaw pumhfax daeuj zoah zwz hoj naeh. Mawz zwzrawz goj daj daenh dungzsaeuh, Mawz hoakrawz goj ndaej biakkauq nongx zaiz mawz, Taengdiak mawz haen zwzrawz, mawz zux mboq biak dix."

Yixsaux naengzgaj vanz dez dix: "Dez, mawz zux vanz dij Sen gumx baenz mbaeddoag naeux? Vanz mawz goj vanz dij Sen gumx gux!" Hax nauq, dix zoq haej vauhvauh.