Popular Bible Verses from Romanos 8

Share

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

Jich yu'un, jich ay ta co'tan: Ni ja'uc te lajele, ni ja'uc te cuxinele, ni ja'uc te ch'ul abatetique, ni ja'uc te mach'atic ay tulan yat'elique, ni ja'uc te mach'atic ay yu'elique, ni ja'uc ta ora to, ni ja'uc ta patil, ni ja'uc te bila ay ta cajale, ni ja'uc te bila ay ta ye'tal te q'uinale, ni ayuc xan yan te bitic pasbil yu'un Dios te ya xju' ya sloq'uesotic ta bay xc'uxul yo'tan te Diose, ta swenta te Cajwaltic Cristo Jesuse.

Ja' nanix jich uuc te Espiritue, ya scoltayotic te bit'il ma'yuc quiptique. Yu'un ma jna'tic sc'anel te bila ya jc'antique. Ja'uc me to, te Ch'ul Espiritue, ja' ya xc'opoj cu'untic. Ts'ujet nax yo'tan ta oq'uel ta c'op. Ma xju' ta alel ta jc'optic te bila ya yale.

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Melel teme ja' nax ya xbajt' ta o'tanil te bila ya sc'an te baq'uete, ja' ya x'ac'awan ta lajel yu'un. Yan teme ya xbajt' ta o'tanil te bila ya sc'an te Espiritue, ja' ya yac' cuxinel soc lamal q'uinal.

Manchuc teme spisil ya jtatic ta q'uinal in to, jc'axel me ya caiytic tsalaw ta swenta te Mach'a bayal c'uxotic ta yo'tane.

Jna'ojtic stojol te ma'yuc sc'oplal teme ayotic ta woclajel ta ora to. Melel ja' bayal sc'oplal te utsilal te yac ta talel te ya xchicnaj ta patile.

¿Ay bal mach'a ya xju' yu'un ya sloq'uesotic ta bay xc'uxul yo'tan te Cristoe? ¿Ya bal xju' yu'un te uts'inele, te woclajele, te nutsele, te wi'nale, te t'analotique, o teme milel ta puñale?

Te Diose ya sna' te bila ay ta co'tantique soc ya sna' uuc te bila ya yal te Espiritue. Melel te Espiritue, ja' ya sc'anbey te sc'anjel yo'tan te Dios ta stojol te mach'atic ch'ul lum yu'un te Diose.

Spisil mach'a ja' j'ic'wanej yu'unic te Espíritu yu'un te Diose, ja' alnich'anetic yu'un Dios abi.

Melel te mach'a wentainbil yu'un te sbaq'uetale, ja' nax ya xbajt' ta yo'tan sna'el te bila ya sc'an te sbaq'uetale. Yan te mach'a wentainbil yu'un te Espiritue, ja' ya xbajt' ta yo'tan sna'el te bila ya sc'an te Espiritue.

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Ja' nix te Espíritu te ya xc'opoj ta co'tantique, te ya yac' jna'tic te jo'otic yal-snich'anotic te Diose. Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

Jna'ojtic stojol te ay ta ajc'an spisil te bitic pasbile, ja' to ta ora to. Yac ta nacbal yu'un xc'uxul, jich bit'il jtul ants te ya x'ayin te yale.