Popular Bible Verses from Romanos 13

Share

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Spisil ants-winiquetic junuc me yo'tan ac'a xch'uunbeyic smandal te ajwaliletic te yich'oj yat'elique. Melel ja' ta swenta Dios te ay ajwaliletique, soc ja' nix Dios te ac'otic ta ajwalil yu'un te mach'atic yich'oj yat'elique.

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Te mach'a ay xc'uxul yo'tane ma spas bila amen ta stojol te spat-xujq'ue. Jich yu'un te sju'tesel ta pasel te mandalile, ja' te c'uxul-o'tanile.

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.