Popular Bible Verses from Hechos 7

Share

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'. La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

“Te ch'ulchane, ja' jmuc'ul jnactijib, te balumilale, ja' scajtijib te cacane. ¿Bi to yilel te jna te ya apasbonique, soc bi yilel te banti ya xju' ya jcux co'tane?

Ja'uc me to, la smac xchiquinic soc tulan awunic yu'un. Spisilic la sjumtayic ta tsaquel ta ora te Estebane. La snitic loq'uel ta ti'lum. Tey c'o xch'ojic ta ton a. Te mach'atic testigoetic la yaq'uic jilel ta canantayel sc'u'ic yu'un jtul jch'iel winic te Saulo sbiile.