Popular Bible Verses from Hechos 5

Share

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Jujun c'aal ma la scom sbaic ta p'ijubteswanej soc ta yalel sc'oplal te Jesucristo ta bay templo soc ta bay naetic.

Te Pedro caj yalbey: —Ananías, ¿bi yu'un te Satanás la snojesbat awo'tan ta spasel ta lot te Ch'ul Espíritu te bit'il la awijq'uitay jilel olil te stojol aq'uinale? Te c'alal ay to ta awenta a te q'uinale, ¿ma bal awu'unuc? Soc te c'alal la achone, ¿ma bal ja'ucat awu'un te stojole? ¿Bistuc jich la anop ta awo'tan? Ma ja'uc la apas ta lot te winique, ja' la apas ta lot te Diose —xi' te Pedroe. Te c'alal la yaiy stojol in to te Ananiase, laj ta ora, jawts'uj bael. Spisil te mach'atic la yaiybeyic stojol sc'oplale, bayal xiwic yu'un.

Ta ora to, ja' lec te ma'yuc bi ya apasbeyic in winiquetic to. Ijq'uitayaic me. Yu'un teme swenta nax ants-winiquetic te c'op ya yalic soc te bila ya spasique, ya me xlaj sc'oplalic. Yan teme ja' ta swenta te Diose, ma xju' ta comel. Tsajtaya me abaic teme ma ja'uc ya acontroinic a te Diose —xi' te Gamaliele.