Popular Bible Verses from Hechos 2

Share

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

La yat'elinic snopel te bila la yaq'uic ta nopel te jpuc-c'opetique, jun nax yo'tan la yaiy sbaic ta spisilic. Soc la stsobilay sbaic ta swe'el waj soc ta sc'oponel Dios.

Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Ajc' nax ay bila la yaiyic c'opoj tel ta ch'ulchan, jich bit'il tulan ic' te xpumumet nax ya xbeene. Chicnaj sc'op ta swolol na te banti najc'ajtique. Soc chicnaj la yilic tsobol ch'in c'ajq'uetic te jich yilel te bit'il cac'tique, la spuc sbaic ta stojolic ta juju-jtul. Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic. Spisil ora la sc'ajintaybeyic yutsilal te Diose, soc lec sc'oplalic yu'un spisil te lume. Te Cajwaltique yan yan ta esmajel yu'un jujun c'aal te jch'uunjeletique, chican jich yipal te ya staic scolelique.

“Jich ya yal te Diose: Ta nopol slajibal c'aal ya me jmal te Espíritu cu'un ta stojol spisil ch'ich'-baq'uet. Te aquerem-nich'anic soc awantsil-nich'anic, ya me yalic te sc'op Diose. Te jch'ieletic awu'unique ay me bi ya x'ac'bot yilic ta stelemal, Soc te mamaletique, ay me bi ya swaichinic.

Yan te mach'atic xch'uunejic te Jesuse, jun nax yo'tan la yaiy sbaic; soc spisil te bila ay yu'unic juju-jtule, comon tuun yu'unic. Jich ay la xchon sq'uinalic soc ay la xchon sbiluquic, jich la spucbey sbaic spisilic te stojole, chican te bit'il ya xtuun yu'unic juju-jtule.

Spisil mach'atic ya sc'anic coltayel ta stojol te Cajwaltique, ya me xcolic”, te xie.

Te c'aale ya me xc'atp'uj ta ijc' q'uinal; in te ue ya me xtsajub jichuc ch'ich'. Jich me ya xc'ot ta pasel te c'alal ma to sta sc'aalelal a te xtal te Cajwaltique, muc' me sc'oplal te bila ya xchicnaje, soc ay me bayal yutsilal.