Popular Bible Verses from Markus 13

Share

Om kasaangkat di tongotulun nga obonsi dikovu sabap maja kou Dogo. Nga isaai nopo iri atagar ginavo gosob do koovion om irino kaanu do kovijaan di auso koovion,” kadi Yisus.

Om antatangai mujuno, om jaajagawo mujuno do au oilaan muju iri maso do korikatanKu kavagu.

Om ontok nopo do tangkapon kou dino om pataakon kou siri poibisaraan nga ada kouno kosurau nong onu i patangaron muju. Do ontok diri pitangar kouno do onu nopo iri ituduk dikovu do irino tinangaran mantad di Tatod Tolidang sino ginavo muju, okoniko toilaan muju kondiri.

Olijot do laaid ilo tavan om iti tana, nga tinangaranKu nopo nga auso iso olijot,” kadi Yisus.

Om kadi Yisus kavagu, “Auso iso tulun koilo sombo do tadau ko sombo do jaam do korikatanKu, insan i moloikat silo suruga ko Ioku i Tanak nga au koilo, nga irino i TamaKu do koilo di korikatanKu.

Om kivaro nopo orongou muju do moipaparang siti somok, om abar do moipaparang i tongotulun soi vonuvo do osodu, nga ada kou rumosi, do misti orikot kasangkat iti komoionKu. Nga okonko poko korikatan diri gosob do koovion.

Om sabap diri pipupurimanai mujuno do au oilaan muju iri maso do korikatan di sanganu valai nong minsosodop, ko tanga sodop, ko mongingkukuuk manuk ko minanavaupo. Om pipupurimanai mujuno, do au oilaan tigogi ka om korikot isido ontok do koolong kou modop. Om iti nopo tangaronKu dikovu, om patangaronKu nogi kasangkat do tongotulun do, ‘Pipupurimanai mujuno,’ kangKu,” kadi Yisus.

Sabap kivaro vonuvo gumirot lumavan sondiang vonuvo, om kivaro kopomorintaan gumirot lumavan sondiang kopomorintaan. Om inombo-nombo do vonuvo nga kivaro gunggun tana, om mononlikop nogi. Nga insan ajadi kasangkat irad diri om iri nogi dino kotimpuun di kosusaan irad di tongondu monsusu.

Aupo korikot iri koovion do maso, om misti moitotongkop kou mangaabar di Abar do Aandai si kasaangkat bansa.

Do oguu iri tongotulun do sumangalu Dogo mamalid di tongotulun do ka, ‘Iokuno Koristus,’ kadino, om irino do oguu i tongotulun do apalid diolo.

Om antatangai mujuno i kojuvan muju kondiri do kivaro manangkap dikovu dino do mongovit pataak si poibisaraan, om pinlapasan kou siri sasambayangan. Om pogotuvangon kou do tongomontiri om tongoraja do daawaan kou si diolo sabap do maja kou Dogo. Nga irino kosivatan muju do papaabar diolo diri Abar do Aandai.

Do mimbulai piipiro koristus do momumudut om piipiro nabi do momumudut do popoontong di pongintutunan om koiranan do mamalid daa do tulun pinili do Kinoringan.

Om kadi Yisus kavagu. “Ontok diri katalib nopo i kasansaraan diri, om osiliu irad do tinangaran si Kitab do, ‘Misokno i vinaang dilo tadau om vulan, om tumupitak ilo tongokorombituon mantad si tavan, om ogunggun kasangkat iri tongokuasa soi tavan,’ ka.