Popular Bible Verses from Susuuon 20

Share

Om kinumaraja oku irad diri supaya monuduk dikovu do misti kou arajin kumuri om monguup di tulun apalo ginavo. Om ondomono i tinangaran di Tuhan Yisus do irad diti, ‘Asanang nogi ginavo di tulun di manaak mantad diri ginavo di tulun di mangaramit,’ ka,” kadi Poulus di tongokotua di poiuuntunan mantad Bandar Ipisus.

Nga insan matai ko mijau oku, nga aukui orubatan diti kojuvanku. Do kouvanganku nopo nga mangavi diti pampanaanku, om mangavi diti karajaku i naanuku mantad di Tuhan Yisus. Sinuu oku Disido popoilo di Abar do Aandai do opuavang i Kinoringan di tongotulun,” kadi Poulus.

Nga jaajagawo mujuno kondiri, om jaajagawo mujuno i tongotulun i naparsaya di Yisus do sinuu kou do Tatod Tolidang do mangajaga diolo, irad do tulun momimiara diri kambing biri-birijo kondiri. Piarawono i poiuuntunan di tongotulun diri naparsaya, do nolukatno iolo di Kinoringan sabap di kinapatajan di TanakJo.

Om kadi Poulus kavagu, “Itino iti tangaronku do mokianu oku do Kinoringan do momiara dikovu. Vaja kouno di Abar do Aandai pasal do opuavang i Kinoringan dikovu, do iri nopo Abar do Aandai diri nga papapanggor di kaparsayaan muju. Om barakatan kou di Kinoringan do touri tadau do porunggumon kou Disido kasangkat di tongotulun linidangan Disido.