Popular Bible Verses from 1 Korintus 14

Share

sabap i Kinoringan nopo nga au moo do ourau tokou nga aandaian do kopiandai tokou. Om i tongotongondu nopo siri poiuuntunan muju tulun di aparsaya nga aandai do songotos-otos irad siri tongopoiuuntunan vokon, do au iolo posuarawon siri poiuuntunan do insan i Undang-undang Ugama do Joudi pun nga monuduki do misti minsuribak iolo.

Tomod-tomodo mujuno do au kojuu do vokon, om mantad dino logos kouno mokianu di sinundu iri itaak di Tatod di Kinoringan, i koisono marong kaanu kou di nitaak do koilo popolombus di nituduk do Kinoringan si ginavo muju.

Nga tulun nopo do koilo popolombus di nituduk do Kinoringan si ginavojo nga tuluni tangaron diri supaya papanggor di kaparsayaan diolo, om pogirot di ginavo diolo om nogi monoluod.

Nga ii nopo tulun mitangar di moisosondiang tinangaran nga pogirot di ginavojo kondiri do aparsaya. Nga tulun nopo do koilo popolombus di nituduk do Kinoringan si ginavojo nga pogirot do kaparsayaan di tulun siri poiuuntunan do tulun di aparsaya.

Nong sabap do agajo ginavo muju do mokianu di sinundu itaak di Tatod do Kinoringan, aandai do ovi-ovion mujuno ino ginavo muju do mokianu di sinundu iri itaak Disido diri papapanggor di kaparsayaan di tulun si poiuuntunan muju.