Йӕ кады стырадӕй уын тых куыд ратта, Йӕ Уды руаджы уӕ удвидар куыд скӕна, уӕ уырнындзинады фӕрцы Чырысти уӕ зӕрдӕты куыд ӕрцӕра. Уарзондзинад уӕд уӕ царды бындур. Ӕз кувын, цӕмӕй ӕппӕт сыгъдӕджытимӕ сымахӕн дӕр уӕ бон базонын суа, куыд парахат, ӕгӕрон, бӕрзонд ӕмӕ арф у Чырыстийы уарзт — зонд кӕуыл не ’ххӕссы, Йӕ уыцы уарзт, ӕмӕ ӕххӕстӕй схайджын уат Хуыцауы ӕрдзыхъӕдӕй.