Popular Bible Verses from 提多書 3

Share

毋拘咱的救主上帝 慈悲仁愛顯明的時， 伊有拯救咱； 毋是因為咱家己有好行為， 是因為伊有憐憫， 通過互人重新出世的洗禮 及聖神的更新拯救咱； 通過咱的救主耶穌基督 上帝有將聖神豐豐富富給咱灌沃， 互咱通靠伊的恩典稱做義， 承受所向望永遠的活命。

著提醒大家服從執政者及當權者，通準備好勢做逐項好事。 著勸𪜶毋通誹謗別人，毋通冤家；著和氣友善，用溫和的態度對待所有的人。

著閃避愚戇的爭論、族譜、紛爭，及律法的爭執，因為諸個攏無路用，無價值。

製造紛爭的人，給伊警告一兩遍以後就毋通閣及伊來往。