Popular Bible Verses from 羅馬書 8

Share

咱知，萬項事互相運作，互許個疼上帝的人，就是照伊家己的旨意選召的，攏有利益。

因為我確信，無論是死，是活，是天使，是靈界的統領者抑是權力者，是現今抑是將來的， 是天頂抑是地下的神靈，抑是其他的被造物，攏𣍐當切斷上帝通過咱的主基督耶穌對咱的疼！

親像按呢，咱軟弱的時聖神嘛有啲給咱扶持；因為咱毋知著按怎祈禱，毋拘聖神家己用話𣍐當表達的吐氣替咱祈求。

關係諸個代誌，咱欲按怎講？上帝若為咱，啥人會當抵敵咱？

按呢許個及基督耶穌結連的人就無受定罪。

意向本性，結果是死；意向聖神，會得著活命及和睦。

攏毋是！佇諸個一切的代誌，咱靠疼咱的上帝得勝到有賰！

我想，現今此個時的苦難及將來啲欲對咱顯現的榮光𣍐比得。

啥人會當切斷基督對咱的疼？是患難，是困苦，是迫害，是枵餓，是散赤，是危險，抑是慘死？

了解人內心的上帝明白聖神的意思，因為聖神照上帝的旨意替信徒祈求。

互上帝的神引導的人攏是上帝的子兒。

因為順趁本性的人意向本性的事；毋拘順趁聖神的人意向聖神的事。

伊既然無惜家己的子，互伊為著咱眾人犧牲，豈𣍐將萬物嘛白白賜互咱？

聖神本身及咱的神做夥作證，講咱是上帝的子兒。 既然咱是子兒，就是繼承人，是上帝的繼承人，及基督平平作繼承人。既然咱及基督同受苦，是欲互咱嘛及伊同受榮光。

按呢，意向本性是抵敵上帝，因為無順服上帝的律法；其實嘛無法度順服。

被造物迫切啲聽候上帝眾子兒的顯現。

咱知，所有被造物到現在猶做夥啲痛苦哀叫，做夥經驗催陣的苦痛。