Popular Bible Verses from 羅馬書 6

Share

因為罪的代價是死，毋拘上帝通過咱的主基督耶穌白白賜互咱的恩典是永遠的活命。

毋通互罪給恁支配，因為恁毋是活佇律法下，是活佇恩典下。

既然咱通過洗禮及伊死，做夥埋葬，所以，親像基督通過天父榮光的權能對死閣活，咱嘛著過新的生活。

嘛毋通將恁身軀的肢體交互罪去做不義的工具。反轉著做一個對死人中閣活的人，將家己獻互上帝，將身軀的各肢體獻互伊做義的工具。

咱知，咱舊的自我已經及基督做夥釘十字架，是欲互受罪拘束彼個舊的人毀滅，互咱無閣做罪的奴隸。

按呢，恁嘛著看家己已經及罪斷絕關係，及基督耶穌結合，為著上帝啲活。

按呢，咱欲講什麼？咱是著繼續佇罪惡中生活，通互恩典閣較加添是無？ 絕對毋是！咱諸個向罪已經死的人豈通繼續佇罪惡中生活？

豈毋知恁若將家己交互某人作奴隸順趁伊，恁就是彼個人的奴隸；按呢講，恁是作罪的奴隸致到死，抑是作上帝的奴僕順趁伊致到及伊有合宜的關係？

感謝上帝，雖然恁曾作罪的奴隸，現在已經對心底順趁彼個傳授互恁做典範的教示。 恁已經對罪得著解放，成做義的奴僕。