Popular Bible Verses from 羅馬書 14

Share

上帝主權的實現毋是靠飲食，是靠聖神所賜的公義、和平，及歡喜。 用按呢來服事基督的人會互上帝歡喜，嘛會得著人的稱讚。

咱若活，是為著主啲活；若死，嘛是為著主來死。所以，無論活抑是死，咱攏是屬主的人。

所以，咱著追求和睦及互相造就的事。

所以，咱毋通閣再互相批判，反轉著決心無做互兄弟抑是姊妹的信仰受阻礙，跋倒的事。

聖經有記載： 主講：我是永活的上帝； 逐個腳頭窩會給我跪拜， 逐個嘴會宣認我是上帝。 按呢，咱逐個人著將家己的代誌佇上帝的面前交代清楚。

信心軟弱的人著給伊接納，毋通及伊辯論有爭議的事。

你算啥，哪敢批判別人的僕人？伊做了好抑是無好，伊的主人會給伊審判。伊會做好勢，因為主會給伊幫贊。