Popular Bible Verses from 腓立比書 4

Share

攏毋通掛慮什麼。萬事著用感謝的心祈求及代禱，將恁所求的互上帝知。

按呢，上帝所賜超越人一切了解的平安，會通過基督耶穌保守恁的心思意念。

兄弟姊妹，總講一句，許個會建立好德行的事，許個值得稱讚的事，就是一切真實的、一切通尊敬的、一切公正的、一切純潔的、一切可愛的、一切通謳咾的，諸個恁攏著不時囥佇心內。

倚靠賜我能力的基督，我有氣力通克服逐款的境遇。

著時常及主結連來歡喜！我閣講一遍，著歡喜！

我的上帝會照伊榮耀的豐富，通過基督耶穌來滿足恁所有的需要。

恁對我所學習閣接受的、聽著閣看著的，諸個攏著繼續實行。按呢，賜平安的上帝就會及恁同在。

著互眾人看會出恁的寬容。主啲欲來啦。

我知按怎過散赤的生活，嘛知按怎過富裕的生活。是飽抑是枵，是有賰抑是欠缺，我已經得著祕訣，就是無論什麼時陣什麼所在，我攏知足。

毋是講我無夠用，因為我已經學會曉無論佇什麼境遇攏知足。