Popular Bible Verses from 腓立比書 2

Share

毋通自私自利，嘛毋通追求虛榮；反轉著有謙遜的心，看別人比家己較𠢕。 恁逐個人毋通只有顧家己的代誌，嘛著顧別人的代誌。

恁著有基督耶穌的心志：

伊原本有上帝的身份， 卻無濫用及上帝平等的地位。 伊反轉摒空家己， 取奴僕的身份， 出世及人仝款， 用人的形體出現。 伊自願謙卑， 順服到死， 甚至死佇十字架頂。

因為上帝時常佇恁中間啲做工，互恁有意願閣會實踐伊的好旨意。

因為按呢，上帝提升伊到上高的地位， 賜伊超越萬名的名號。 按呢，為著敬重耶穌的名， 天頂、地上、地下， 一切的腳頭窩攏會跪拜， 逐個嘴攏宣認： 「耶穌基督是主」， 來榮耀父上帝。

無論做什麼代誌，攏毋通埋怨抑是爭論， 互恁通清白純潔，佇此個邪惡腐敗的世代作上帝無缺點的子兒。著佇𪜶中間發光，親像光啲照世間，

所以，親愛的兄弟姊妹，我佇恁遐的時，恁攏有順趁我；現在我無佇恁遐，恁閣較著按呢。著繼續驚惶愕愕惙來完成恁的得救；