Popular Bible Verses from 馬太福音 6

Share

著先追求伊的主權及伊的旨意實現，諸個物件就會攏續互恁。

所以，毋通為著明仔載操煩；明仔載的代誌明仔載才操煩。一日的艱苦一日當。」

「所以，我給恁講，毋通為著恁的性命欲食什麼，欲飲什麼啲操煩；嘛毋通為著恁的身軀欲穿什麼啲操煩。性命豈毋是比食物較重要？身軀豈毋是比衣服較重要？

你祈禱的時，著入去房間內，關門，對你恬恬仔啲看的父求，按呢恬恬仔啲看的你的父會給你報賞。

所以，恁著按呢祈禱： 阮的天父： 願你的聖名受尊崇。 願你施行主權； 願你的旨意實現， 佇地上親像佇天頂。

求你今仔日賜阮需要的食物。

求你赦免阮的辜負， 親像阮嘛有赦免辜負阮的人。

求你毋通互阮陷落擔當𣍐起的試探， 救阮脫離彼個邪惡者。

「恁若赦免人的過失，恁的天父嘛會赦免恁；

恁看空中的飛鳥，𪜶無種作，無收成，嘛無囤積糧食佇倉庫，恁的天父嘛啲給𪜶養飼。恁豈無比𪜶較貴重？

「毋通為著家己積聚財寶佇地上，佇遮有蟲咬，會生銹，賊會挖孔偷提。 著為著家己積聚財寶佇天頂，佇遐無蟲咬，𣍐生銹，無賊挖孔偷提。 因為你的財寶佇叨位，你的心嘛會佇遐。」

「無人會當服事兩個主人；伊若毋是怨恨此個，疼彼個，就是看重此個，看輕彼個。恁𣍐當像時服事上帝閣服事錢財。

山野的花草今仔日啲活，明仔載互人㧒落火爐，上帝都按呢給𪜶妝飾，伊豈𣍐閣較給恁妝飾？恁哪即呢無信心！

你賑濟的時，毋通互你的倒手知正手的所做， 互你通恬恬仔賑濟，恬恬仔啲看的你的父會給你報賞。」

「著謹慎，毋通為著欲互人看才故意佇人的面前展恁的敬虔；按呢做𣍐當對恁的天父得著報賞。

「恁禁食的時，毋通親像假好的人憂頭結面；因為𪜶故意互面歹看，愛互人看出𪜶啲禁食。我實在給恁講，𪜶已經得著報賞啦。 你禁食的時，頭毛著抹油，面著洗， 互人看𣍐出你啲禁食，只有互恬恬仔啲看的父看見，按呢恬恬仔啲看的你的父會給你報賞。」