Popular Bible Verses from 馬太福音 28

Share

所以，恁著去招萬民來做門徒，給𪜶洗禮，互𪜶歸佇父、子、聖神的名， 教示𪜶遵守我所互恁一切的命令。著會記得，我逐日及恁同在，直到今世的結束。」

耶穌行倚去給𪜶講：「上帝已經將天頂地下一切的權柄攏互我。

彼個天使給許個婦仁人講：「毋免驚；我知恁啲尋互人釘十字架的耶穌。 伊無佇遮，照伊所講，伊已經閣活。來，來看伊倒的所在。

耶穌給𪜶講：「毋免驚！去給我的兄弟講，叫𪜶去 加利利 ，佇遐𪜶會見著我。」

祭司長及長老聚集參詳了後，提真多銀仔互許個兵， 講：「恁著按呢講：『伊的門徒暗時來，佇阮啲睏的時將伊的身屍偷提去。』 萬一總督聽著此個代誌，阮會去給伊安搭，包恁無代誌。」 衛兵就提許個銀仔照𪜶所吩咐的去做。此個代誌到今仔日猶佇 猶太 人的中間啲流傳。