Popular Bible Verses from 雅各書 3

Share

對頂面來的智慧，頭一項是純潔，閣來是和平、溫和、有度量、充滿慈悲，閣𠢕結好果子，無偏私，無虛假。

恁中間什麼人有智慧，有見識？若有，著用謙卑及智慧，通過家己的好品行表現出來。

公義是促進和平的人用和平撒的種籽所結的果子。

因為有怨妒及自私就有混亂及逐項歹行為。

咱用嘴舌謳咾主咱的父，嘛用嘴舌咒詛照上帝家己的形像所造的人。 感謝及咒詛的話攏對仝一個嘴出。兄弟姊妹，按呢是無應該！

嘴舌是火。佇咱的肢體中，嘴舌是邪惡的世界，會污染咱歸身軀。此個火是對地獄點𤏸的，會互人歸個人生燒滅。

毋拘，無人會當制伏嘴舌；嘴舌是無人控制會牢的邪惡，充滿致命的毒。

兄弟姊妹，恁中間毋通有真多人作教師。咱知，咱作教師的人會受較嚴格的審判。