Popular Bible Verses from 雅各書 1

Share

兄弟姊妹，恁抵著逐款試煉的時，著想做是通歡喜的代誌， 因為知影恁的信心經過考驗會產生忍耐。

恁中間若有人欠缺智慧，著對上帝祈求，伊會賜互恁，因為上帝會真慷慨無保留賜互攏總的人。

親愛的兄弟姊妹，著知！逐個人著急欲聽；毋通急欲講；毋通急欲受氣；

恁著忍耐到路尾才會當達到完全閣完整，攏無缺點。

著實行道理，毋通騙家己講干焦聽道理就好。

忍受試煉的人真有福氣；因為伊有經過考驗，會領受上帝應允互疼伊的人活命的花冠。

一切美好的賞賜及一切完全的恩賜是對天頂光明的源頭所賜。伊無改變，嘛無天體轉踅引起的影。

若有人聽道理無實行，伊親像人照鏡看家己的面相， 詳細看了後，一下離開，隨時𣍐記得家己生做啥款。

照顧苦難中的孤兒寡婦，閣保守家己無染著世俗的腐敗，對父上帝看起來，這才是純全無缺點的敬虔。

人受引誘的時，毋通講「我互上帝引誘」，因為上帝𣍐受邪惡誘惑，伊家己嘛𣍐引誘人。 人受引誘，是互家己的慾望引誘陷害。

散赤的兄弟姊妹得著上帝提升，著歡喜；