Popular Bible Verses from 加拉太書 5

Share

毋拘聖神所結的果子是：仁愛、歡喜、和平、忍耐、仁慈、良善、忠實、 溫柔、節制。此款行為一般的法律無啲禁止。

我的意思是：恁著照聖神的引導生活，絕對毋通求滿足本性的慾望。

既然咱靠聖神啲活，咱著順趁聖神來生活。

許個屬基督耶穌的人已經有將本性及一切的邪情私慾做夥釘死佇十字架。

人本性慾望的行為真明顯，就是淫亂、污穢、好色、 拜偶像、行邪術、敵對、鬥爭、嫉妒、受氣、自私、結黨、分派、 怨妒、酒醉、花天酒地等。我以前曾給恁警告，此陣閣一遍給恁警告：做此款代誌的人𣍐當成做上帝國的子民！

兄弟姊妹，上帝呼召恁是欲互恁自由。不過毋通互恁的自由變做放縱私慾的機會。著用疼心互相服務。

因為人本性的慾望對抗聖神；聖神對抗人的本性。此兩個互相敵對，致到恁𣍐當照家己所愛去做。

因為全部律法包含佇「著疼厝邊親像疼家己」此個誡命。

咱毋通追求虛榮，毋通彼此激氣，互相怨妒。

為著欲互咱有自由，基督已經有給咱解放。所以著徛在，毋通閣受壓制做奴隸！