Popular Bible Verses from 使徒行傳 1

Share

毋拘聖神臨到恁的時，恁會得著能力，佇 耶路撒冷 、全 猶太 及 撒馬利亞 ，直到天邊海角為著我做見證。」

伊給𪜶講：「父用家己的權柄決定的時間及機會，毋是恁通知的。

耶穌及𪜶做夥的時有吩咐𪜶：「毋通離開 耶路撒冷 ，照我曾給恁講，著聽候父的應允。 約翰 用水給恁洗禮，毋拘閣無幾日，恁會領受聖神的洗禮。」

伊受害以後，有用真多證據顯明伊本身活啲，佇四十日的中間有顯現互使徒看見，對𪜶講論上帝國的事。

耶穌講諸個話了後，佇𪜶啲看的時受接上天；有一片雲給伊接去，𪜶就看𣍐著。

𪜶猶啲注目看天的時，忽然有兩個穿白衫的人徛佇𪜶身邊， 講：「 加利利 人啊，恁哪徛佇遮啲看天？此位離開恁受接上天的耶穌，恁看見伊按呢上天，伊嘛會照按呢閣來。」