Popular Bible Verses from ROMANOS 12

Share

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

Sane naukiche masarukityaiki, apasamu nuxia iñemo au nɨrixhti Tupax nauki apityoximia naukɨtɨpɨ ɨmoti, takana napakumanata axɨna sɨboriko ɨmoti, axɨna champɨ nomɨnantɨ kɨtɨpɨ, uxia au ñakionkoxti Tupax, tyone axɨna ñemanauntu napanaunku toxiobo aboi ɨmoti.

Tari taruku naupukɨnunku ui axɨmanu toxiobo ñana aume. Tari taruku narukux aume axtɨ autakisɨrɨka. Tapɨ ane nanenes chameankapɨ.

Tapɨ chebo obi atapeneka ui nomɨnantɨ. Ui axɨna uxia aisamute tapeneko obi axɨna chuxiampɨ.

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Tari ñemanaunkuxatoe naukuasɨrɨkɨ aumeampatoe. Amekosi isiu axɨna uxia mapanaunkux.

Apiña nuxia, nauki uxia aboi aumeampatoe au nausɨboriki aɨbu namanaiña axɨbama ausɨborisapa.

Masarukityaiki, tapɨ apatokoka tato ɨmoti kiatax, asiosane ɨmoti Tupax, tari uiti asaraiti. Tyopiki sane nantɨ iku Nikorox: “Sobi yasarai. Sobi ityoximia tato ityobo, nanti Yɨriabux.”

Apiña nuxia, tapɨ taruku namemaxikiata, apaserebi ɨmoti Yɨriabux aɨbu narukux aume.

Ui nipukɨruxti Tupax chakuñɨ ikɨpurutiñɨ, sane naukiche sukanañɨ aume tapɨ anati naki nanti taruku nipiakaxti pɨnanakimia axɨbama ñemanauntu ipiakama. Amasasai axañoampatoe isiuki axɨna toxio aume uiti Tupax apisamuse takana axɨbama ikokoromati Cristo.

Tapɨ apatokoka tato ityobo axɨna chuxiampɨ isamutema aume. Taikiana apisamuse axɨna uxia sukarɨ namanaiña.

Taikiana uxia aboi aumeampatoe. Tapɨ yarusɨrɨx año au napakionko pɨnanaki makiataka, apiña takana nisɨborikixhimia makiataka, tapɨ taruku napapanaunku au napakionko pɨnanaki makiataka.

Saneityo: “Axtɨ kɨrɨpɨoti naki chuxiampɨ uiti aemo, asapasati. Axtɨ tosɨoti, ache tyɨpoboti. Sane kaɨma uɨrara nisuxti ui nikɨsoxti.”

Apikunusɨankasama axɨbama chuxiampɨ uimia aume. Apikunusɨankasama, tapɨ apipiauxamakama. Aupukɨnu chepema axɨbama pukɨnuñama. Ausuche chepema axɨbama sucheboma.

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

Tyopiki sane takana nokɨtɨpɨ sɨrɨmana kɨtɨpɨ nenaxixh, taikiana taman nenaxi nakɨtɨpɨ ane nɨmoche aserebi. Saneityo axoñɨ, sɨrɨmana oñɨ, champɨ nɨmoche axtɨ sɨrɨmana oñɨ, kunauntaña naka nokɨtɨpɨ kɨtɨpɨti Cristo, sanentyo usaka ichepe makiataka takana nenaxi kunauntaña kɨtɨpɨx.